Matewu 27:41 - Bhiblia Yo Sawuleka

⁴¹ Konaho vaphaxeli va hombe, ni vabhali, ni madhota a ditiko, va txi mtseketsela ni vona, va txi kha vona:

Matewu 27:41 Referans Kwoze

Masalmo 35:26

Va na vhilinganyiswe ve thelwa tingana votshe vale va tsakako ngu kuxupheka kwangu; va na tale ngu kuxowoka ni tingana votshe vale va ti guletako va txi ni wukela.

Luka 23:35

Dibutho da vathu di ti zumbile kona hale, va txi wonetela, se vathangeli va kona va txi poyilela va txi kha vona: “A ponisile vamwani, a na ti ponise nene apune, ngako i di Mesiya Msawulwa wa Txizimu!”

Luka 22:52

Ngu msana, a to gela vale va nga ta, va di mu xomete, vaphaxeli va hombe, tinduna ta Dithepele ni madhota a ditiko, a txi khene: “Mi ta ni matxhari ni migomba, nga mi to xomela dikhamba kani?

Luka 18:32

Nguko a na ningelwa ka vamatiko, vona va na mtseketsela, ve mruketela, ni ku mthurela.

Zakariya 11:8

Ni hoxotile vadyisi vararu ngu mtxima wumwewo, nguko moya wangu wu ti va henyete, ni moya wa tona wu to swihala ngu ngani.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Isaya 28:22

Konkuwa koko, mi nge ngadi mi tseketsela; kasi ku asi mi nga sungwa ngu sona si si pswitwi; nguko se ni pfite Mkoma, Txizimu txa Mabutho a Tiyimbi, a txi womba-womba ngu kuhoxota, se atiya ti tsanisilwe txitimwi ka otshe mafu.

Jobe 13:9

Ti ndi nava tinene ngako txi txi mi xola kani? Mwendo mi na txi mimela nga mo mimela ni wihi m'thu kani?

Matewu 27:40

“Awe u khundumuselako Dithepele da Txizimu, u txi di aketa ngu masiku mararu, ti hanyise ko! Ngako u di Mwanana wa Txizimu, txhika ngu ha txihambanoni!”

Matewu 27:42

“A hanyisile vamwani, kambe ene kha sikoti ku ti hanyisa apune. Ngako i di mfumeli wa Israyeli, a na txhike konkuwa ngu ha txihambanoni, kufela ku hi mtumela!”