Matewu 27:31 - Bhiblia Yo Sawuleka

³¹ Ngako va di mu tseketsete, va to mtshambula dibhaji dile do bhilivila, ve mu ambalisa syambalo sakwe, ve tsula nayo kuya mu bethela ha txihambanoni.

Matewu 27:31 Referans Kwoze

Isaya 53:7

Ene a to khoziswa, aniko kha tula txisofu; kufana ni txinvutana a to yiswa kudawani, ni kufana ni nvuta masoni ka wu a yi kayako, ene kha tula txisofu.

Vahebheru 13:12

Ngu toneto, Jesu, kufela kubasiswa vathu ngu mnoha wakwe wupune, a dawetwe hahanze ka txike txa didhoropa.

Mithumo 7:58

Se va to mruruvisa ve mu yisa hahanze ka didhoropa, veya mu balisela ngu marigwi. Tifakazi ti ti vekile tinguwo ta tona minengeni ka dijaha di di dhanwako ku i Sawule.

Matewu 21:39

Se va to mñola, ve mu ruruvisa ve mu yisa hahanze ka thembwe ya mivhinya, ve m'daya.

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

1 Vafumeli 21:10

Mi veka masoni kwakwe vavamna vambidi, vanana va Bheliyali, va txi womba masoni kwakwe va txi kha vona: U ruketete Txizimu, ni mfumeli; se mi txi m'humisa hahanze mi txi m'balisela ngu marigwi, a txi fa.

Johani 19:27

Ngu msana a to gela mgondiswa wakwe, a txi khene: “Mame wako ndiyo!” Se kukhukhela ka yona yile mbimo, mgondiswa wule a to mteka e tsula nayo m'tini kwakwe.

Johani 19:16

Sekoko Pilato a to ningela Jesu kwawe, kasiku va txi ya mu bethela ha txihambanoni.

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Mitengo 15:35

Mkoma koko a to khene ka Mosi: “Eyo m'thu ti dingana ku e dawa; wotshe msengeletano wu na m'balisela ngu marigwi, hahanze ka wugovelo.”

Matewu 26:2

“Ma tiziva ti to ngako ma di pindile masiku mambidi ku nava i di Pasika; se Mwanana wa M'thu a na ningelwa kasi kuya bethelwa ha txihambanoni.”

Marku 15:20

Msana ka kuva va di mu tseketsete, va to mu thavisa nguwo yile yo bhilivila, ve mu ambeka syambalo sakwe. Sekoko va to mteka kasi kuya mu bethela ha txihambanoni.