Matewu 27:29 - Bhiblia Yo Sawuleka

²⁹ Se va di lukile tshimbo ya mipa, va to msanzeka ha msungo kwakwe, ngu msana ve mñolisa litshava ngu dianza da txinene. Se va txi khizama masoni kwakwe na va txi mtseketsela va txi kha vona: “Xeweni, mfumeli wa Vajudha!”

Matewu 27:29 Referans Kwoze

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Marku 15:18

Sekoko, va to khata ku mlosa, va txi kha vona: “Xewe, Mfumeli wa Vajudha!”

Matewu 27:37

Se ve nameketa ngu txitimwi ka msungo wakwe, m'bhalo wa mhaka ya kufa kwakwe, va txi kha vona: “Awu i Jesu Mfumeli wa Vajudha.”

Matewu 26:49

Konako, Judha a to tshuketa hafuhi ka Jesu a txi khene: “Xeweni, M'gondisi!” Se e mu pswopswa.

Jeremiya 20:7

Awe Mkoma, u ni xengile, ni tumete kuxengwa. Awe u ni mtamo ku ni pinda, u ni xute. Ni mahile txisekiso dotshe ditshiku. Votshe va ni poyilela.

Isaya 49:7

Mkoma a womba tiya, Mtiruli wa Israyeli, Msawuleki wakwe, ka dihika do eyiswa, do yenywa ngu matiko, ka txithumi txa vale va fumako: Vafumeli va na mu wona va txi khukha, ve ema; vathangeli va na nama masoni kwako, ngu lirando la Mkoma, i ku wo thembeka, ni Msawuleki wa ka Israyeli, a nga kusawula.

Masalmo 69:7

Ngu mhaka ya lirando ni nawe ni zumba ngu kuruketelwa; khohe yangu ya thelwa tingana.

Marku 15:17

Msana keto, va to mu ambeka nguwo ya disilika do bhilivila, ve luka tshimbo ya mipa, ve yi gemeka ha msungo kwakwe.