Matewu 27:27 - Bhiblia Yo Sawuleka

²⁷ Konaho masotxhwa a mfumeli ma to teka Jesu me mu yisa dibanzani veya tshanganisa dotshe dibutho masoni kwakwe;

Matewu 27:27 Referans Kwoze

Johani 18:33

Pilato a to tshumela e wulela nyumbani ka wukoma, e dhana Jesu, a txi khene kwakwe: “Ina awe u mfumeli wa Vajudha, kani?”

Johani 18:28

Msana keto, va to teka Jesu ve khukha nayo m'tini ka Kayifasi kuya thethiswa, ve mu heleketa nyumbani ka wukoma. I ti mixo. Vona kha va wulela nyumbani mule ka wukoma ngu kuthava kutinyenyezisa, kasi va txi na mana kudya Pasika.

Mithumo 10:1

A ti ti ho didhoropani ka Khezareya m'thu wu a nga ti dhanwa ku i Korneliyo, awu i nga ti mthangeli wa dizana, ka txikwata txi txi dhanwako ku i “Italiya.”

Mithumo 23:35

“Ni na kuengisa, ngako vamangali vako va di bwakile.” Se a to ruma ti to a na woneletwe, a di nyumbani ka wukoma, ka Herodha.

Mithumo 27:1

Ku ti ngako ku di sungilwe ti to hi tsula Italiya ngu txitimela, Paulo ni vamwani va nga ti sungilwe kumweko nayo, va to ningelwa ka mthangeli wa dizana, a dhanwako ku i Juliyo, ya “Nyumbani ka mfumeli wa hombe”

Johani 18:3

Sekoko, Judha a to teka mtxawa wa masotxhwa ni simwani sithumi sa vaphaxeli va hombe ni Vafarisi, e tsula navo koneyo, na va di xomile malambu, ni misanje ni matxhari.

Matewu 26:3

Sekoko vaphaxeli va hombe ni madhota a ditiko va to tshangana digumani ka Mphaxeli wa Hombe a nga ti dhanwa ku i Kayifasi.