Matewu 27:26 - Bhiblia Yo Sawuleka

²⁶ Sekoko Pilato a to thukunyula Bharabhasi, e rumela ti to Jesu a na kwapelwe ngu sisepu, ngu msana e mningela kasiku eya bethelwa ha txihambanoni.

Matewu 27:26 Referans Kwoze

Isaya 53:5

Aniko ene a pekilwe ngu sihambunyeto sathu, e xaniswa ngu mhaka ya wubihi wathu; txitsayiso txi txi hi tiselako kudikha, txi ti ti txitimwi kwakwe, se hi hanyisilwe ngu mikhwimbiriti yakwe.

Johani 19:1

Sekoko Pilato a to rumela ti to Jesu a na kwapelwe ngu sisepu.

Marku 15:15

Sekoko Pilato, ngu kulava kutsakisa dibutho, a to thukunyula Bharabhasi se, msana ka kuva a di rumete kukwapela Jesu, a to mningela kasiku eya bethelwa ha txihambanoni.

Luka 23:16

Ngu toneto, ni na mu thukunyula e tsula, msana ka ku mu tsayisa.”

Isaya 50:6

Ni tshuralela vale va ni pekako, ni khohe yangu ka vale va ni xurulelako misisi; kha ni sisi khohe yangu, ka vale va ni poyilelako, ni ku ni thurela.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Marku 10:34

Va na mu poyilela ve mu thurela lure, ve mu kwapela ni ku m'daya, aniko msana ka masiku mararu, a na tshumela a txi wuka.”

Matewu 20:19

va na mningela ka vamatiko, kasiku ve mu ruketela ni ku mu kwapela ni ku mu bethela ha txihambanoni. Aniko ene ngu ditshiku da wuraru a na wuka.”

Johani 19:16

Sekoko Pilato a to ningela Jesu kwawe, kasiku va txi ya mu bethela ha txihambanoni.