Matewu 27:25 - Bhiblia Yo Sawuleka

²⁵ Se votshe va to angula va txi kha vona: “Mnoha wakwe wu na thekele txitimwi kwathu ni txitimwi ka vanana vathu!”

Matewu 27:25 Referans Kwoze

Joxuwa 2:19

Ku na maheka koko taku, ni wihi a no huma ha txikeni ka nyumbani yako, mnoha wakwe wu na va txitimwi ka msungo wakwe, se athu kha hi na mbi va ni mnandu; aniko ni wihi a no va ni nawe nyumbani, mnoha wakwe wu nave txitimwi ka misungo wathu, ngako a txi dawa.

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Mithumo 7:52

Ngu wuhi mprofeti wu vatate vanu va nga mbi mxanisa kani? Va date ni vava kukhatani va nga zivisa kuta ka Mlulami, awu anu konkuwa mi nga mningela ni ku m'daya;

Dhewuteronome 19:10

kasi ku si thekeli mnoha wo mbi na mnandu ka ditiko di Mkoma, Txizimu txako, a no kuninga, di txi maha thomba yako, ni kuva ku si maneki mnandu wo thekela mnoha, txitimwi kwako.

Mitengo 35:33

Ngu maha yeto, kha mi na mbi nyenyezisa ditiko di mi ku ka dona; nguko mnoha wa maha ditiko di nyenyeza; kambe ni wawumwewo mphaxo wa kuthavisa txionho, kha wu na mbi mahwa ngu mhaka ya ditiko, ngu mhaka ya mnoha wu wu no thekela ka dona, hahanze ka mnoha wa wule a nga theketa mnoha wa mmwani m'thu.

1 Vafumeli 2:32

Ngu toneto, Mkoma a na maha ti to mnoha wakwe wu txi wa ha msungo kwakwe ene nyamne, nguko a date vavamna vambidi vo lulama, kambe vavanene ngutu kupinda ene, a nga va daya ngu ditxhari, asi ti zivi tate wangu Dhavhidha, i ku vava: “Abhineri, mwana Neri, mthangeli wa yimbi ya ka Israyeli, ni Amasa, mwana Jeteri, mthangeli wa yimbi ya ka Judha.”

2 Samuwele 1:16

Se Dhavhidha a to khene ka muamaleki: Mnoha wako u nave txitimwi ka msungo wako, nguko txisofu txako txi pune txi ku mangalete, txi txi kha txona: Ani ni date wule wo totwa wa Mkoma.

Dhewuteronome 19:13

Kha kulaveki u txi mtsetsa; kambe u na fuvisa mhaka ya kutheketa mnoha wo mbi na mnandu ka va ka Israyeli se u na kateka.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Matewu 21:44

[Awule a no wela txitimwi ka dirigwi diya a na bhandekela e khatukela; awule a no welwa ngu dona, a na phwaraselwa.”]

Mithumo 18:6

Kambe ngako a txi wona kukaneta kwawe, ni kuruka kwawe, Paulo a to zuza tinguwo takwe, a txi khene kwawe: “Mnoha wanu wu nave txitimwi ka misungo yanu. I di ani ni basile: Kukhukhela konkuwa ni na tsula ka vamatiko.”