Matewu 27:18 - Bhiblia Yo Sawuleka

¹⁸ Nguko a tiziva ti to va mu ningete ngu livengo.

Matewu 27:18 Referans Kwoze

Mavingu 27:4

Txiviti txi bihile, ni kuhenya i ndambi, se i mani a no ema masoni ka dibava kani?

Mithumo 5:17

Se mphaxeli wa hombe a to ema ni votshe valondeteli vakwe, ava i nga ti va mtxawa wa Vasadhusi, va di tate ngu livengo,

Marku 15:10

Nguko a ti tiziva ta ku vaphaxeli va hombe va mu ningete ngu livengo.

Jakobe 4:5

Mwendo mi pimisa ti to mibhalo yo womba walo ngako yi txi womba tito: “Moya wu wu zumbako kwathu, Txizimu txi wu randa ngu txiluse, kani?”

Mithumo 13:45

Sekoko ngu kuwona dibutho da vathu, Vajudha va to tala ngu kubavela, se va txi angula ngu siruko ka timhaka tiya Paulo a nga ti womba-womba ngu tona.

Mithumo 7:9

“Se vanana vava va Jakobe i ku vanyampande vathu va to va ni wukwele ka Josefa, ve mu xavisa, e yiswa Egipta, kambe Txizimu txi ti ni nene.

Genesisi 37:11

Vakomwakwe va to zumba va txi m'vengela; kambe tate wawe a to veketa mapimoni kwakwe timhaka tiya.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Masalmo 106:16

Se va di wugoveloni kwawe, va to bavela Mosi ni Aroni, msawuleki wa Mkoma.

Matewu 27:17

Pilato a to womba ka vathu va nga ti tshanganile a txi khene: “Ngu wuhi mi ti lavako ti to e thukunyulwa, Bharabhasi mwendo Jesu wu a dhanwako ku i Kristu kani?”

Matewu 27:19

Na ene a di khalahatshile ha txikhaloni ka kulamula, msikati wakwe a to rumela kuya mu gela tiya: “U nga thuke u txi ti wuleta ka mhaka ya m'thu wuwa wo lulama, nguko ni pandisekile ngutu hamnova ngu miloro ngu mhaka yakwe.”