Matewu 27:17 - Bhiblia Yo Sawuleka

¹⁷ Pilato a to womba ka vathu va nga ti tshanganile a txi khene: “Ngu wuhi mi ti lavako ti to e thukunyulwa, Bharabhasi mwendo Jesu wu a dhanwako ku i Kristu kani?”

Matewu 27:17 Referans Kwoze

Johani 19:15

Kambe vona va to khata kukwangula, va txi kha vona: “A na fe! A na fe! Mu bethele ha txihambanoni!” Konaho Pilato a to khene: “Ni na bethela ha txihambanoni mfumeli wanu kani?” Aniko vaphaxeli va hombe va to xamula, va txi kha vona: “Athu kha hi nga ni mmwani mfumeli, hahanze ka Khezari.”

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Matewu 1:16

Jakobe a to veleka Josefa, mwamna wa Mariya, awu a nga veleka Jesu, a dhanwako ku i Kristu.

Matewu 27:16

Ka yoneyo mbimo, a ti ti ho mmweyo wa kusungwa, wa nduma yo biha, a nga ti dhanwa ku i Bharabhasi.

Matewu 27:18

Nguko a tiziva ti to va mu ningete ngu livengo.

Johani 4:25

Wamsikati a to engeta a txi khene: “Na tiziva ti to wata Mesiya, awu a dhanwako ku i Kristu, se a di tile, Ene a nata hi gondisa totshe.”