Matewu 26:73 - Bhiblia Yo Sawuleka

⁷³ Se ngu msana ka mbimo yokari, va to tshuketela hafuhi ava va nga ti konaho, va txi kha vona ka Pedro: “Kha ditshuri, na nawe u mmweyo wawe, nguko mawombawombelo ako ma kumangala.”

Matewu 26:73 Referans Kwoze

Valamuli 12:6

sekoko vona va ti ti m'gela va txi kha vona: “Womba koko u txi khawe: Xibholeti”; aniko ene a ti ti womba a txi khene: “Sibholeti,” nguko a ti si ti koti kuwomba kha kwati: Sekoko va ti ti mñola veya m'dayela mabeloni ka Jordhani; Ka yona mbimo yile, kuwite 42.000 wa vavamna va ka Efrayime.

Nehemiya 13:24

Se vanana vawe va ti womba-womba ka kudotho lidimi la txiasidhodhi, va si sikoti kuwombawomba txijudha,

Matewu 26:72

Ene a to kaneta kambe, na a txi xambanya, a txi khene: “Ani kha ni mu zivi eyo m'thu!”

Matewu 26:74

Sekoko a to khata kuruketela, e xambanya a txi khene: “Kha ni mu zivi eyo m'thu!” Se ka yoneyo mbimo mkuku wu nje kuemba.

Marku 14:70

Aniko ene a to kaneta ka wumbidi. Se msana ka mbimonyana ya yidotho, ava va nga ti ti ho konaho, va to womba kambe ka Pedro va txi kha vona: “Awe ngu ditshuri u mmweyo wawe, nguko nawe u Mugalileya.”

Mithumo 2:7

Se votshe ve diwuka ni kuxamala, va txi kha vona: “Vona vathu va va wombawombako, ina hi nga va Galileya votshe kani?