Matewu 26:72 - Bhiblia Yo Sawuleka

⁷² Ene a to kaneta kambe, na a txi xambanya, a txi khene: “Ani kha ni mu zivi eyo m'thu!”

Matewu 26:72 Referans Kwoze

Luka 22:34

Aniko Jesu a to khene: “Pedro, na kugela ku khani: Mkuku nyamsi kha wu na mbi emba, na awe u sa kaneta kuraru ti to wa ni ziva.”

Matewu 26:74

Sekoko a to khata kuruketela, e xambanya a txi khene: “Kha ni mu zivi eyo m'thu!” Se ka yoneyo mbimo mkuku wu nje kuemba.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Zakariya 8:17

Kambe ni wammweyo kwanu, a nga pimisele wubihi mbiluni kwakwe, wo wukela mkwawe, hambi kudhunda kuxambanya makuhu, nguko totshe tiya ani na ti nyenya, kuwomba Mkoma.

Isaya 48:1

Engisani tiya, anu va nyumba ya ka Jakobe, anu mi ti dhanako ngu ditina da Israyeli, mi nga huma ngu ka lihunzu la ka Judha, mi xambanyako ngu ditina da Mkoma, kambe mi dhumisako Txizimu txa ka Israyeli, aniko i si nga ngu ditshuri, hambi ngu kululama.

Eksodha 20:7

U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Matewu 26:71

Se a di khukhile ha txikeni, a to wonwa ngu tximwani txithumi txa wamsikati, awu a nga gela ava va nga ti ti ho konaho, a txi khene: “Awuwa nene a ti kumweko ni Jesu wa Nazareta.”

Matewu 26:73

Se ngu msana ka mbimo yokari, va to tshuketela hafuhi ava va nga ti konaho, va txi kha vona ka Pedro: “Kha ditshuri, na nawe u mmweyo wawe, nguko mawombawombelo ako ma kumangala.”