Matewu 26:7 - Bhiblia Yo Sawuleka

⁷ a to mtshuketela mmweyo wamsikati, a di ni txikadyana txa alabhastru, txa mafura o bhumula ngutu, a txi ma thela ha msungo ka Jesu, mbimo yi ene a nga ti ha kudyani.

Matewu 26:7 Referans Kwoze

Luka 7:46

Awe khwa ni tota msungo ngu mafura, aniko ene a ni totile mikondo yangu ngu mafura o bhumula.

Isaya 57:9

Se uya ka mfumeli ni mafura, kambe wa andisa mafura ako o bhumula; wa rumela sirumwa sako si txi ya kule, kambe wa va ruma kala Xeyoli.

Ndando ya Tindando 1:3

Mafura ako manene amu ko bhumula; ditina dako di fana ni mafura o tshakunutwa; ngu mhaka yeto timbiri ta kuranda.

Ekleziyaste 9:8

Ambala syambalo so basa mbimo yotshe, ku nga thuke kupwateka mafura ha msungo kwako.

Masalmo 133:2

Kufana ni mafura o bhumula ma nga thelwa ha msungo ka Aroni, ma xililikako ngu maletu, maletu a Aroni; me hoka likasani ka syambalo sakwe.

Ekleziyaste 10:1

Nga kule phuka yofa yi pfalisako kununga ko txhipisa mafura o bhumula, ngu toneto, wuphukuphuku wa onha wutxhari ni wudhumo wa m'thu wa nduma.

2 Vafumeli 9:1

Sekoko mprofeti Elixa a to dhana mmweyo ka vanana va vaprofeti e ta m'gela tiya: Sunga txiwunu txako, u teka ngoto yiya ya mafura ngu dianza dako, u tsula Ramoti-Gileyadhi.

Matewu 26:8

Mbimo yi va nga wona tiya vagondiswa va to henya va txi kha vona: “Simaha siya si xakelelwa txani mahala kani?

Marku 14:3

Se mbimo yi Jesu a nga ti Bhetaniya, m'tini ka Simoni, awule wa tshekela, na se va di ha sakudyani, a to ta wamsikati, a di ni txikadyana txa alabhastru, txi nga ti ni mafura o bhumula a nardhu ya yinene, yo dhula ngutu, se e faya txikadyana e thela mafura ha msungo ka Jesu.