Matewu 26:67 - Bhiblia Yo Sawuleka

⁶⁷ Sekoko va to khata ku mu thurela khoheni, ve mpeka ngu sibhakela. Vamwani va txi mu haphata ngu mipama, va txi kha vona:

Matewu 26:67 Referans Kwoze

Isaya 50:6

Ni tshuralela vale va ni pekako, ni khohe yangu ka vale va ni xurulelako misisi; kha ni sisi khohe yangu, ka vale va ni poyilelako, ni ku ni thurela.

Isaya 53:3

A ti ti txhipiswa, kambe i ti ti wo nyenywa ngutu hagari ka vathu, m'thu wa mipando, wo ziva ngutu kuthuma, awule vathu va nga txi ti fenengeta tikhohe, a ti ti txhipiswa, kambe kha ha khatala ngu tona ni ka kudotho.

Johani 18:22

Kambe, neti Jesu a nga gwita kuwomba tiya, mmweyo wa diphoyisa, a nga ti emile konaho a to mu yamasa ngu mpama, a txi khene: “Ngu toneto, u angulisako tona mphaxeli wa hombe kani?”

Matewu 27:30

Na va txi mu thurela lure khoheni, ve teka litshava ve mu peka ngu lona ha msungo.

Marku 14:65

Se vamwani va to khata ku mthurela, ve mfenengeta khohe ngu nguwo, na va txi mpeka ngu sibhakela, va txi kha vona: “Hi nga huta!” Mahalamu ni ona ma txi mpeka ngu mipama.

Matewu 5:39

Aniko ani ni khani kwanu: Mi nga lambeleni m'thu wo biha, ngako m'thu a txi ku haphata mpama ka dithama da txinene, tshembereka u txi ningetela dimwani.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Johani 19:3

Va txi mtshuketela hafuhi, va txi kha vona: “Xeweni, mfumeli wa Vajudha!” Ngu msana va txi mu peka tipama.

Marku 15:19

Se va txi mu peka ha msungo ngu msengele, ve mu thurela lure, na va txi khizama va txi mu khozela.

Sidilo 3:30

A na dingetele dithama, ka wule a m'yamasako, a txi amukela ni kuruketelwa.

Isaya 52:14

Vathu votala mbimo yi va nga wona va to xamala, nguko khohe yakwe yi ti ti bihile ngutu, kupinda tikhohe ta vamwani, ni txiwumbeko txakwe txi ti ti pinda txa vamwani anana va vathu.

1 Vakorinto 4:13

hi txi singetwa makuhu, athu hi womba mapswi a thavelelo. Hi hindukile hi txi nga ho va nzambwa ya mafu, ditala da votshe, kala ditshiku da nyamsi.

Marku 10:34

Va na mu poyilela ve mu thurela lure, ve mu kwapela ni ku m'daya, aniko msana ka masiku mararu, a na tshumela a txi wuka.”

Mika 5:1

Konkuwa zumba ngu mabutho, awe dihorana da mabutho; nguko hi na randelwa; va na balisa txiletu txa mlamuli wa Israyeli ngu ndonga.

Sidilo 3:45

Hagari ka vamatiko u hi hundute hi txi maha nzambwa ya ha ditalani.

Jeremiya 20:2

Se a to peka mprofeti Jeremiya, a txi mkhotela ka wukhalo wu ku txikenini ka txitimwi ka Bhenjamini, amu Nyumbani ka Mkoma.

1 Vafumeli 22:24

Sekoko Zedhekiya, mwana Kenahani, a to ta e ta peka Mikaya aha ka litshaya a txi khene: Moya wa Mkoma wu pindile ngu hani ha kwangu, wu txi ta womba-womba kwako kani?

Dhewuteronome 25:9

sekoko awule wa noni a na tshuketa hafuhi kwakwe, na a txi wonwa ngu madhota, a txi mthavisa tikathula, e mthurela khoheni, e nama a txi khene: “Ngu tona tiya ti no mahwa ka wamwamna wule a lambako kuwusa nyumba ya mwanawe”;

Mitengo 12:14

Se Mkoma a to khene ka Mosi: “Ku nga ti tate wakwe a txi mthurela khoheni, ina kha na mbi va ni tingana mndani ka mtxhanu wa masiku ni mambidi kani? A na khotelwa mtxhanu wa masiku ni mambidi hahanze ka wugovelo; se msana keto, a na wuyiswa kambe.”

Matewu 26:68

“Mesiya, hinga huta: I mani a nga kupeka kani?”