Matewu 26:64 - Bhiblia Yo Sawuleka

⁶⁴ Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Matewu 26:64 Referans Kwoze

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Marku 14:62

Jesu a to xamula a txi khene: “Ngani. Kambe mi na wona Mwanana wa M'thu a di khalahatshile txineneni ka Nyamne wa Mtamo wotshe, na a txi ta ngu marefu a nzumani.”

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Vahebheru 1:3

Ene, ngako i ku liwoningo la wudhumo wa Txizimu, ni txikombiso txa wudhumo wa txona, awu a hiketako sotshe simaha ngu mtamo wa dipswi dakwe, msana ka kuva a di gwitile kukuwula sionho, a ti ya zumba txineneni ka wuhombe wa Nyatxitimwi nzumani

Mtuletelo 1:7

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

Matewu 24:30

Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Matewu 26:25

Konaho Judha, awu a nga mningela, a to angula a txi khene: “M'gondisi, i nga va i di ani kani?” Jesu a to xamula a txi khene: “U ti landute upune!”

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

Mithumo 1:11

ayawa ma nga va gela, ma txi kha ona: “Majaha a Galileya, nji txani mi zumbako mi txi wonetela nzumani kani? Ene Jesu wu a nga gulwa hagari kwanu e kwela nzumani, a na wuyisa tona tiya mi nga mu wonisa tona a txi tsula nzumani.”

Johani 18:37

Pilato a to mu xamula, a txi khene: “Se awe u mfumeli kani?” Jesu a to xamula, a txi khene: “Ngawe u wombako ti to ani ni mfumeli! Ni velekilwe kambe ni tile ditikoni muwa, kasiku ni ta maha fakazi ya ditshuri; wuhi ni wuhi i ku wa ditshuri wa engisa dipswi dangu.”

Luka 22:70

Konaho, votshe va to angula, va txi kha vona: “Se awe u Mwanana wa Txizimu, kani?” Ene a to va xamula a txi khene: “Mi womba tonato. Ngani!”

Matewu 27:11

Jesu a to yiswa masoni ka mfumeli Pilato, awu a nga mu wotisa a txi khene: “Ngawe mfumeli wa Vajudha kani?” Jesu a to xamula a txi khene: “U womba tona.”

Varoma 14:10

Ngu kutxani u lamulako mkwanu kani? Ani awe, u tseketselela txani mkwanu kani? Kuve hotshethu hi na ya ema masoni ka txikhalo txa kulamula txa Txizimu.

Isaya 19:1

Mahungu a Egipta. Wonani, Mkoma a gadhile direfu do hehuka, se a nata kona Egipta; sithombe sa Egipta si na dhudhumela masoni kwakwe, ni timbilu ta Vaegipta ti na nyunguluka hagari kwawe.

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Matewu 22:44

“Mkoma a wombile ka Mkoma wangu a txi khene: Khalahatsha ngu txineneni kwangu kala kuza ni khozisa valala vako ni txi va maha txikhigelo txa mikondo yako.”

Matewu 28:18

Jesu a to tshuketa hafuhi, a txi khene kwawe: “Ni ningilwe mtamo wotshe, nzumani ni ha mafuni:

Luka 22:69

Aniko kukhukhela ka yona yiya mbimo, Mwanana wa M'thu a na ya khalahatsha txineneni ka Txizimu txa mtamo wotshe!”