Matewu 26:63 - Bhiblia Yo Sawuleka

⁶³ Aniko Jesu a to simama e malala. Se mphaxeli wa hombe a to mu gela a txi khene: “Na ku xambanyisa ngu Txizimu txi txi hanyako ti to u hi gela mwendo ngawe Mesiya, Mwanana wa Txizimu kani?”

Matewu 26:63 Referans Kwoze

Levhi 5:1

Se ngako m'thu a txi dhanelwa kuya fakaza mhaka yokari, a nga yi wona mwendo a nga yi ziva, aniko a txi lamba kuwomba, sekoko eyo m'thu a na rwala txionho txakwe;

Matewu 16:16

Simoni Pedro a to angula a txi khene: “Awe u Mesiya Mwanana wa Txizimu txi txi hanyako.”

Isaya 53:7

Ene a to khoziswa, aniko kha tula txisofu; kufana ni txinvutana a to yiswa kudawani, ni kufana ni nvuta masoni ka wu a yi kayako, ene kha tula txisofu.

Matewu 27:12

Kambe mbimo yi a nga ti mangalelwa ngu vaphaxeli va hombe ni madhota a ditiko, kha xamula txilo.

1 Samuwele 14:26

Se ngako vathu va di hokile txitingani va to wona kujomba ka wulombe; hambi keto, ni wammweyo kha yisa dianza dakwe ha txisofu, nguko vathu va ti thava txixambanyo.

Johani 20:31

Kambe timhaka tiya ti nga bhalwa, ti bhaletwe ku mi txi kholwa ti to Jesu ngene Kristu Mwanana wa Txizimu, ni tito, ngu kukholwa kuwa, mi na mana kuhanyiswa ngu ditina dakwe.

Johani 19:9

Se e tshumela a txi wulela kambe nyumbani ka wukoma, a txi wotisa Jesu, a txi khene: “Kasi awe u ta ngu hani, kani?” Kambe Jesu kha nga xamula txilo.

Johani 19:7

Vajudha va to xamula va txi kha vona: “Athu hi na ni mthetho, se ka wona mthetho wuwa, ene a fanela kufa, nguko a ti mahile Mwanana wa Txizimu.”

Johani 18:37

Pilato a to mu xamula, a txi khene: “Se awe u mfumeli kani?” Jesu a to xamula, a txi khene: “Ngawe u wombako ti to ani ni mfumeli! Ni velekilwe kambe ni tile ditikoni muwa, kasiku ni ta maha fakazi ya ditshuri; wuhi ni wuhi i ku wa ditshuri wa engisa dipswi dangu.”

Johani 10:36

Ka wule a nga sawulekiswa e rumwa ngu Txizimu ha ditikoni, anu mi khanu: ‘Awe wa ruka!’ Nguko ni nga khani: ‘Ni Mwanana wa Txizimu’, kani?

Johani 10:30

Ani ni Tate hi mmweyo.”

Johani 10:24

Vajudha va to mu randela, va txi kha vona kwakwe: “U na leka ditshiku muni ku hi kanakanisa timbilu, kani? Ngako u di Mesiya, ti wombe ha kubasani.”

Johani 8:25

Se va to mu gela va txi kha vona: “Kasi awe ngawe mani kani?” Jesu a to va xamula, a txi khene: “Toneto ni nga mi gela kukhatani.

Johani 6:69

Ngu toneto, athu ha tumela ni ku tiziva ti to awe u Msawuleki wa Txizimu.”

Johani 1:49

Nathaniyele a to xamula a txi khene kwakwe: “M'gondisi, awe u Mwanana wa Txizimu, u Mkoma wa Israyeli.”

Johani 1:34

Ni ti woni ngu maso angu, se na fakaza ti to Ene i Mwanana wa Txizimu.”

Marku 14:61

Aniko ene a to tamarisa a txi malala, asi anguli txilo. Mphaxeli wa hombe a to engeta e mu wotisa, a txi khene: “Ngawe Mesiya, Mwanana wa Txizimu txi txi dhumiswako kani?”

Matewu 27:54

Sekoko, mthangeli wa dizana, ni vale yi nga ti navo ve woneleta Jesu, ngako va di woni kuzinginikela ka mafu ni timwani ti nga humelela, va to dhuka, va txi kha vona: “Kha ditshuri awu i ti Mwanana wa Txizimu!”

Matewu 27:43

A thembile Txizimu, inna ko, txi na mu hulukise konakuwa, ngako txi txi m'dhunda, nguko a ti khene: “Ani ni Mwanana wa Txizimu!”

Matewu 27:40

“Awe u khundumuselako Dithepele da Txizimu, u txi di aketa ngu masiku mararu, ti hanyise ko! Ngako u di Mwanana wa Txizimu, txhika ngu ha txihambanoni!”

Matewu 27:14

Aniko ene kha xamula dipswi ni da dimwedo, se ngu kota yeto mfumeli a to xamala ngutu.

Dhaniyeli 3:16

Xadreke, Mixake ni Abhedhi-Nego va to xamula mfumeli Nebhukodhonosori, va txi kha vona: Kha hi naveli kuxamula txilo txitimwi ka mhaka yiya.

Mavingu 29:24

Awule a ku ni thomba yimweyo ni dikhamba, wa venga dihika dakwe apune; wa engisa ta walo, aniko kha wombi txilo.

2 Makronika 18:15

Se mfumeli a to khene kwakwe: Kulaveka ku ni kugela kuwombawomba ditshuri ngu ditina da Mkoma, kala mbimo muni kani?

1 Vafumeli 22:16

Se mfumeli Akabe a to khene: Ni na ku xambanyela ku nga hi, ti to u nga ni gele makuhu, womba ditshuri ditinani ka Mkoma kani?

1 Samuwele 14:28

Sekoko mmweyo ka vathu a to xamula a txi khene: Tate wako a xambanyile ka vathu, a txi khene: Dikhombo ka m'thu wule a no dya dipawu nyamsi. Nguko vathu va ti ti gumile mtamo.

1 Pedro 2:23

Ene, mbimo yi va nga ti mruketela, kha ruketela nene. Mbimo yi va nga ti m'xanisa, kha va henyela, aniko a to ti ningela ka wule a lamulako ngu kululama.

1 Samuwele 14:24

Se ka ditshiku dile vathu va ka Israyeli va ti rerekile ngutu, nguko Sawule a ti xambanyile ka vathu, a txi khene: Dikhombo ka m'thu wule a no dya dipawu kala ni minova, kasiku ni ti photela ka valala vangu. Se vathu votshe va to leka kudya dipawu.

Masalmo 42:2

Moya wangu wu ni ditora do lava Txizimu, Txizimu txo hanya! Ditshiku muni ni no ya wona khohe ya Txizimu kani?

Matewu 4:3

Sekoko m'duki a to tshuketa hafuhi kwakwe a txi khene: “Ngako u di Mwanana wa Txizimu, gela marigwi awa ti to me phinduka me maha mapawu.”

Matewu 26:62

Konaho a to khukha mphaxeli wa hombe a txi khene kwakwe: “Khu xamuli txilo ka mhaka yi va ku mangalelako ngu yona kani?”

2 Vakorinto 1:19

Nguko Mwanana wa Txizimu, Jesu Kristu a nga txhumayelwa ngu ngathu, ani ni Silivhano ni Timoti, kha maha wa “Ina” ni “ahim-him,” aniko, mbwa “Ina” yotshe mbimo.