Matewu 26:55 - Bhiblia Yo Sawuleka

⁵⁵ Sekoko Jesu a to khene ka dibutho: “Mi tela ku ta ni ñola mi di xomile matxhari ni migomba, nga no va dikhokhokho kani? Ditshiku ni ditshiku ni ti zumba hagari kwanu, ni gondisa Dithepeleni, aniko kha ma ni ñola.

Matewu 26:55 Referans Kwoze

Johani 8:2

Ngu mbimo ya mixo, a to tshumela eya woneka Dithepeleni, se votshe vathu va to ya tshangana hafuhi kwakwe. Ene a to khalahatsha a txi va gondisa.

Marku 12:35

Jesu, ngako a txi gondisa, Dithepeleni, a to womba-womba a txi khene: “Vabhali va wombisa kutxani ti to Mesiya i Mwana Dhavhidha kani?

Johani 7:28

Konako Jesu a to guleta dipswi e gondisa Dithepeleni, a txi khene: “Ma ni ziva! Ma kuziva ni mu ni tako ngu kona. Kha na ti tela nipune, aniko awu a nga ni ruma i ditshuri ngu wutumbu wakwe, awu anu mi si mu ziviko.

Johani 7:14

Hagari ka m'buso, Jesu a to kwela eya Dithepeleni, eya gondisa kona.

Matewu 21:23

Msana keto, a to wulela Dithepeleni. Mbimo yi ene a nga ti gondisa, vaphaxeli va hombe ni madhota a ditiko va to mu yela va txi ya kha vona kwakwe: “U wu mana hani mtamo wa kumaha tiya kani? I mani a nga kuninga mtamo wo ngeto kani?”

Matewu 26:47

Ene a di ngadi a txi womba tiya, konaho ku to bwaka Judha, mmweyo wa va digumi ni vambidi, ni dibutho da hombe da vathu kumweko nayo, na va di ni matxhari ni migomba, va txi ta ngu kurumwa ngu vaphaxeli va hombe ni madhota a ditiko.

Marku 10:1

Jesu ku ti ngako a di khukhile koneho, eya ditikoni ka Judheya, mtxhatuko ka Jordhani, vathu vavangi va to ta sengeletana kwakwe.

Luka 4:20

Ene a to petela dibhuku a txi di ningela ka muvhuneteli, se a txi khalahatsha. Votshe va va nga ti disinagogani va ti ti mu wonetela.

Luka 19:47

Kambe vaphaxeli va hombe ni vabhali ni madhota a ditiko, va ti lava ku m'daya.

Luka 20:1

Ngu ditshiku dokari, ku ti ngako a txi gondisa vathu Dithepeleni ni kutxhumayela vathu Evhangeli, vaphaxeli va hombe ni vabhali va to ti wonekisa kwakwe kumweko ni madhota a ditiko,

Johani 8:20

Mapswi awa a ma wombile a di ka wukhalo wa miningelo, na a txi gondisa Dithepeleni. Kambe kha ka nga va ni m'thu wu a nga mñola nguko txikhati txakwe txi ti sanzi kuhoka.