Matewu 26:49 - Bhiblia Yo Sawuleka

⁴⁹ Konako, Judha a to tshuketa hafuhi ka Jesu a txi khene: “Xeweni, M'gondisi!” Se e mu pswopswa.

Matewu 26:49 Referans Kwoze

1 Vatesalonika 5:26

Losani votshe vanathu ngu kupswopswana ko sawuleka.

Matewu 26:25

Konaho Judha, awu a nga mningela, a to angula a txi khene: “M'gondisi, i nga va i di ani kani?” Jesu a to xamula a txi khene: “U ti landute upune!”

Johani 19:3

Va txi mtshuketela hafuhi, va txi kha vona: “Xeweni, mfumeli wa Vajudha!” Ngu msana va txi mu peka tipama.

Luka 7:45

Awe khwa ni pswopswa, kambe ene, kukhukhela ni wulela hawa, kha leki ku ni pswopswa mikondo.

Marku 15:18

Sekoko, va to khata ku mlosa, va txi kha vona: “Xewe, Mfumeli wa Vajudha!”

Mavingu 27:6

Ku dawiswa ngu mngana i txhuko, aniko kupswopswa ngu mkanganyisi ka vengeka.

2 Samuwele 20:9

Se Jowabhi a to khene ka Amasa: Ina wa wuka kwati mwanathu kani? Se Jowabhi a to ñola txiletu txa Amasa ngu dianza da txinene kasiku e mpswopswa.

1 Samuwele 10:1

Sekoko Samuwele a to teka txingotwana txa mafura, e ma thela ha msungo ka Sawule, se e mnyuta, a txi khene: Ina Mkoma kha kutota mafura, kuva mthangeli txitimwi ka thomba yakwe kani?

Genesisi 27:26

Isaake tate wakwe a ti khene: “Tshuketa u ta ni pswopswa mwanangu.”

Matewu 23:7

va dhunda kuloswa amu metendelani ni kudhanwa ku ‘M'gondisi M'gondisi’ ngu vathu.”

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Matewu 26:48

Se mningeli a ti ti langanile navo txikombiso txiya: “Awule ni na ku mu pswopswa, ngeneyo, mu ñoleni.”

Johani 4:31

Ngu kumaha keto, vagondiswa vakwe va to mkhongotela, va txi kha vona: “Dyana, M'gondisi!”