Matewu 26:45 - Bhiblia Yo Sawuleka

⁴⁵ Sekoko a di tshumete kambe eya ka vagondiswa vakwe, a va gete a txi khene: “Konkuwa mi nga sikota kuotela, mi txi humula! Wonani, yi hokile mbimo yi Mwanana wa M'thu a no ningelwa ngu yona manzani ka vaonhi.

Matewu 26:45 Referans Kwoze

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Johani 17:1

Jesu ngako a di wombile timhaka tiya, a to gula maso a txi wona nzumani, a txi khene: “Tata, txi hokile txikhati. Dhumisa Mwanana wako, kufela kunene Mwanana wako e kudhumisa,

Johani 12:27

“Se konkuwa, moya wangu wa pandiseka. Aniko, ni na womba txani? Ina ni na khani: Tata, ni hulukise ka txikhati txiya kani? Aniko ngu txona txiya txikhati ni nga tela txona.

Luka 22:53

Ka otshe masiku awa ni nga ti ni nanu Dithepeleni, kha ma ni gwesa ngu manza anu, aniko atxiya ngu txona txikhati txanu ni mfumo wa txidema.”

Matewu 26:18

Ene a to angula, a txi khene: “Tsulani didhoropani, ka m'ti wa nombwe wokari, mi na ya mu gela tiya: ‘M'gondisi a khene: Mbimo yangu yi hafuhi. Ni lava ku ta mahela nyumbani kwako Pasika kumweko ni vagondiswa vangu.’ ”

Matewu 26:2

“Ma tiziva ti to ngako ma di pindile masiku mambidi ku nava i di Pasika; se Mwanana wa M'thu a na ningelwa kasi kuya bethelwa ha txihambanoni.”

1 Vafumeli 18:27

Ku to maheka ti taku ngu hagari ka mitshikari: Elija a to va poyilela, a txi khene: Kwangulani ngu dipswi do guleka, nguko ene njizimu; ti nga nda maha eto a txo womba-womba, mwendo kuva a di ni to kari a mahako, mwendo kuva a txi pimisela dipfhumba dokari, hambi kudhuka a txi otela, a na vhumuka.

Ekleziyaste 11:9

Awe wamphya, tsakela wuphya wako, kambe mbilu yako yi na tsake ka masiku a wuphya wako, se tsimbila ngu tinzila ta kudhunda ka mbilu yako, ni ti ti tsakisako maso ako; wa tiziva kambe taku, ka sotshe siya Txizimu txi na ku lamula.

Matewu 26:44

Se e va siya, a txi tsula kambe ka wuraru, eya khongela, a txi womba onayo mapswi o fana.

Matewu 26:46

Khukhani hi tsula, se a hafuhi awu a lavako ku ni ningela!”

Marku 14:35

A di tshuketile kudotho masoni a to ti wisa hahatshi a txi khongela, a txi womba tito, ngako ti txi koteka, txikhati txiya txi na pinde kwakwe.

Johani 12:23

Se ene a to va xamula a txi khene: “Txi hokile txikhati txa kupfaliswa ka Mwanana wa M'thu.