Matewu 26:43 - Bhiblia Yo Sawuleka

⁴³ Se a di tshumete e wuya kwawe, a to ta va mana kambe va di otete, nguko maso awe ma ti nemelwa ngu wukohe.

Matewu 26:43 Referans Kwoze

Luka 9:32

Kambe Pedro ni va a nga ti navo, va ti nemelwa ngu wukohe. Mbimo yi va nga wuka, va to wona kuphatima kwakwe, ni vavamna va vambidi ava va nga ti emile nayo.

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

Mithumo 20:9

Dijaha dokari, adi di nga ti dhanwa ku i Eutiko, di ti khalahatshile ha mtshunzutini ka difasitela, di txi khata kukhudhahela ngutu, na Paulo a txi ya masoni ngu kuwombawomba kwakwe. Ngu kota ya kona kukhudhahela, a to podika a txi wa hahatshi, kukhukhela ka txitezi txa wuraru. Va ti ya mu gula, na a di fite.

Jona 1:6

Se mthangeli wa txitimela a to tshuketela kwakwe a txi m'gela tiya: Wo va ni txani u otelako kani? Wuka, khukha u dhana Txizimu txako; kutilava ngu kumaha keto, Txizimu txi nga hi alakanya, kasiku hi si lovi.

Mavingu 23:34

U na nga m'thu wo otela hagari ka linene, hambi ku nga wule a nga otela tshokani ka phande

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Matewu 26:44

Se e va siya, a txi tsula kambe ka wuraru, eya khongela, a txi womba onayo mapswi o fana.