Matewu 26:39 - Bhiblia Yo Sawuleka

³⁹ Se a di tshuketile kule nyana, a to ti wisa hahatshi, ngu mbanza, na a txi khongela, a txi khene: “Tata wangu, ngako ti txi koteka, digombe diya di na pinde kule ni nani; aniko, ti nga maheke nga kuranda kwangu, ti na maheke nga ti Awe u ti lavisako tona.”

Matewu 26:39 Referans Kwoze

Johani 6:38

Nguko ni txhikile ngu nzumani, i si nga ngu ku tela ku ta maha kuranda kwangu, aniko ngu ku tela ku ta maha kuranda ka wu a nga ni ruma.

Vafilipiya 2:8

A txi ti veka hahatshi ene apune, e ti maha muengisi wa mlayo kala kufa ngu lifo la txihambano.

Matewu 26:42

Ti di mahile eto, a to tsula ka wumbidi, eya khongela kambe, a txi khene: “Tata wangu, ngako ti si koteki ti to digombe diya di pinda ni sa di sela, ku na maheke kuranda kwako.”

Vahebheru 5:7

Kristu ka masiku awa a nga ti hanya wutomi wa mmidi, a mahile mikombelo, ngu kupeka tihuwa ni kudila mirongo, a txi khozela ka wule a nga ti sikota ku m'hulukisa ka lifo, se a txi tumelelwa ngu mhaka ya kuengisa kwakwe.

Johani 5:30

“Ani ngu kwangu kha ni sikoti kumaha txilo, ani ni lamula madingano ni ti ni ti engisako; se kulamula kwangu ku lulamile, nguko kha ni lavi kumaha kuranda kwangu, aniko ni lava kumaha kuranda ka wu a nga ni ruma.”

Johani 14:31

Aniko ti maheka tiya, kasiku ditiko di txi tiziva ti to na mranda Tate, ni ti to ni mahisa ti ene Tate a nga ni leletisa tona. Wukani, he khukheni hawa!”

Johani 18:11

Aniko Jesu a to gela Pedro, a txi khene: “Txhomeka ditxhari dako msavani ka dona. Kha ni na mbi sela digombe da sixaniso di ni nga ningwa ngu Tate kani?”

Johani 11:41

Ngu msana va to thavisa dirigwi da diyiva, se Jesu e gula maso akwe, e wona nzumani, a txi khene: “Tata, na ku bonga, nguko u ni engisile.

Matewu 20:22

Aniko Jesu a to mu xamula a txi khene: “Kha mi txi zivi txi mi kombelako. Ina mi nga sikota kusela digombe da wuvi di ni no sela, kani?” Vona va to xamula va txi kha vona kwakwe: “Hi nga sikota.”

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

2 Samuwele 15:26

Kambe nga ku Mkoma a txo khene: Kha ni ku tsakeli; ngani wuwa, a na mahe kudhunda kwakwe ngu ngani.

Mitengo 14:5

Sekoko masoni ka wotshe msengeletano wa vanana va ka Israyeli, Mosi ni Aroni va to khizama, va txi wa hahatshi ngu tikhohe tawe.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

1 Makronika 21:16

Se ngako Dhavhidha a di guletile maso akwe, a to wona Ngelozi ya Mkoma, yi di ngu hagari ka mafu ni nzuma, ni ditxhari do swomolwa manzani ka yona, yi di di nawulutile txitimwi ka Jerusalema; sekoko Dhavhidha ni madhota, va ti fenengete tinguwo ta masaka, ve khizama ve namisa tikhohe hahatshi.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Mithumo 10:25

Ngu mbimo yi Pedro a nga ti ti wulela m'tini ka Korneliyo, ene a to mu hingeta, a txi bwaka a txi khizama masoni kwakwe, a txi mu khozela.

Luka 17:16

A ti ya khizama minengeni ka Jesu, a txi mu bonga. Aniko ene i ti Msamariya.

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

Isaya 50:5

Mkoma Txizimu a ni tute tinzeve, se kha na mueyisa; kha ni tshumeleli msana.

Isaya 53:12

Ngu kumaha keto, ni na mninga txyavelo txa votala, se a nga abana sile so handwa kumweko ni va va mtamo ngutu; nguko a tshakunutile muhefemulo wakwe kufani, se e balwa kumweko ni sindaka-milayo; aniko ene a ti rwekile sionho sa votala, kambe a kombelete sindaka-milayo.

Johani 5:19

Jesu a to xamula a txi khene kwawe: “Ngu ditshuri, ngu ditshuri, na mi gela ku khani: Mwanana ene apune kha sikoti kukhata e thuma txilo, hahanze ka tile a nga ti wona ti txi thumwa ngu Tate wakwe; nguko totshe ti ti nga mahwa ngu Tate, Mwanana a ti mahisa toneto.