Matewu 26:37 - Bhiblia Yo Sawuleka

³⁷ Ene a to teka Pedro ni vanana va vambidi va Zebhedhewu, se e khata kutelwa ngu dikhodho ni kukarateka ngutu.

Matewu 26:37 Referans Kwoze

Matewu 4:21

Se a txi pinda a txi ya masoni, a to wona vamwani va mkoma ni mnanda kambe, Jakobe, mwanana wa Zebhedhewu, ni Johani mnanda wake, mu ka ngalava, va nga ti rungetela tikoka tawe, kumweko ni tate wawe Zebhedhewu. Se e va dhana.

Matewu 17:1

Sekoko, ku di pindile mtxhanu wa masiku ni dimwedo, Jesu a to teka Pedro ni Jakobe ni Johani, mwanawe Jakobe, e tsula navo, vona vokha, ka mmango wo lapha.

Marku 5:37

Se Jesu kha tumela ti to mmwani e tsula nayo, hahanze ka Pedro ni Jakobe ni Johani, mwanawe Jakobe.

Johani 12:27

“Se konkuwa, moya wangu wa pandiseka. Aniko, ni na womba txani? Ina ni na khani: Tata, ni hulukise ka txikhati txiya kani? Aniko ngu txona txiya txikhati ni nga tela txona.

Luka 22:44

Ene, a di tate ngu kupandiseka, a to simama kukhongela ngutu, mnyuko wu a nga txi dhunuka, wu txi nga mathotho a mnoha, ma nga txi thothoketela ha mafuni.

Matewu 20:20

Sekoko, mame wa vanana wa Zebhedhewu, a to mtshuketela a di ni vanana vakwe, a txi mu khizamela, kasi kumaha txikombelo.

Matewu 4:18

Na a txi tsimbila ngu mabambe ka Linene la Galileya, a to wona vathu vambidi va mkoma ni mnanda, Simoni, a dhanwako ku i Pedro, ni Andreya mnanda wakwe, va nga ti beta tikoka lineneni, nguko i ti vakukuti va sihaka.