Matewu 26:35 - Bhiblia Yo Sawuleka

³⁵ Pedro a to womba kambe a txi khene: “Hambi i di kulava kudawa kumweko ni nawe, kha ni na mbi kulamba.” Votshe vagondiswa va so wombisa toneto ni vona.

Matewu 26:35 Referans Kwoze

Varoma 11:20

Ngu txona; ma phatutwe ngu ku ambi kholwa; se awe u tsani ngu mhaka ya kukholwa, u nga ti kulise, aniko thava!

Johani 13:37

Pedro a to khene kwakwe: “Mkoma, ni nga tandekisa kutxani ku kulondisa konkuwa kani? Ni na ningela wutomi wangu ngu kota yako.”

1 Pedro 1:17

Ngako mi m'dhanako tito, “Tata,” ene wule a lamulako m'thu ni m'thu madingano ni mithumo yakwe, hanyani ngu txithavo yotshe mbimo ya kuhanya kwanu.

Vafilipiya 2:12

Ngu konaho vo randeka ngutu kwangu, anu mi engisisako yotshe mbimo, thumani ngu txithavo ni kudhudhumela mi thumela kuhanyiswa kwanu, i si nga kumaha eto dwe, ngako ni di kumweko ni nanu, aniko ngutu-ngutu konkuwa ni ku kule ni nanu.

1 Vakorinto 10:12

Ina, ngu toneto, awule a pimisako ti to a emekile, a na ti wonele kasiku asi wi.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Mavingu 28:14

A katekile m'thu wule a simamisako ni txithavo; aniko awule a bangisako mbilu yakwe, a na gwitisa ku wa kubihani.

Eksodha 19:8

Sekoko votshe vathu va to xamula, va txi kha vona: “Totshe ti Mkoma a nga ti womba, hi na ti maha.” Se Mosi a to ma txhamusela ka Mkoma mapswi a vathu votshe.

Matewu 10:33

Aniko awule a no ni lamba masoni ka vathu, nanani ni na mlamba masoni ka Tate wangu a ku nzumani.