Matewu 26:31 - Bhiblia Yo Sawuleka

³¹ Sekoko, Jesu a to va gela a txi khene: “Ka wona wuwa wusiku, mi na khuveka motshenu ngu mhaka yangu, nguko kubhatwe ku kha vona: ‘Ni na peka m'dyisi, se tinvuta ta mtxhambi ti na hangalaka.’

Matewu 26:31 Referans Kwoze

Zakariya 13:7

Awe ditxhari khukha u lwa ni m'dyisi, lwana ni wamwamna wule i ku mngana wangu, kuwomba Mkoma wa Mabutho a Tiyimbi; peka m'dyisi, se ti na hangalaka tinvuta; aniko ni na nawuluta dianza dangu, ni peka vale vavadotho.

Johani 16:32

Wonani, ya ta mbimo, ni konkuwa yi hokile, ayi mi no hangalaka, mmwani ni mmwani e teka nzila yakwe, mi txi ni siya ni di nokha; kambe kha ni nga nokha, nguko Tate a ni nani.

Masalmo 69:20

Siruko si ni bhandisete mbilu, se ni lwala. Ni lavile wo ni pfela wusiwana, aniko kha na mmana; kha na mana ni wammweyo wo ni tangalisa.

Masalmo 38:11

Vandoni vangu ni vanakulothi va hambukile ngu mhaka ya dikhombo dangu; maxaka angu ma ema ngu kule.

Matewu 11:6

Se a katekile wule a no mbi mana txikhuvekiso kwangu.”

Sidilo 1:19

Ni dhani vale va nga ti ni dhunda, aniko va ni kanganyisile; vaphaxeli vangu ni madhota angu va gumile amu didhoropani, mbimo yi va nga ti lava sakudya, so va txi wuseta mitamo yawe.

Isaya 53:10

Hambi keto, Mkoma a tsakete ku mxanisa, e mpfisa kupanda, ngako muhefemulo wakwe wu txi maha mhamba yo thavisa sionho, a na wona vatukulu vakwe, a na andisa masiku, se litsako la linene la Mkoma, li na kula manzani kwakwe.

Masalmo 88:18

U ni hambanisile ni vangana ni vaakelani vangu; mpangalati wangu ngu txidema dwe.

Matewu 26:56

Sekoko totshe tiya, ti mahekile kasi kutatiseka Mibhalo ya vaprofeti.” Ngu konaho votshe vagondiswa, va to mleka, ve thava.

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”