Matewu 26:25 - Bhiblia Yo Sawuleka

²⁵ Konaho Judha, awu a nga mningela, a to angula a txi khene: “M'gondisi, i nga va i di ani kani?” Jesu a to xamula a txi khene: “U ti landute upune!”

Matewu 26:25 Referans Kwoze

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Matewu 27:11

Jesu a to yiswa masoni ka mfumeli Pilato, awu a nga mu wotisa a txi khene: “Ngawe mfumeli wa Vajudha kani?” Jesu a to xamula a txi khene: “U womba tona.”

Johani 18:37

Pilato a to mu xamula, a txi khene: “Se awe u mfumeli kani?” Jesu a to xamula, a txi khene: “Ngawe u wombako ti to ani ni mfumeli! Ni velekilwe kambe ni tile ditikoni muwa, kasiku ni ta maha fakazi ya ditshuri; wuhi ni wuhi i ku wa ditshuri wa engisa dipswi dangu.”

Luka 22:70

Konaho, votshe va to angula, va txi kha vona: “Se awe u Mwanana wa Txizimu, kani?” Ene a to va xamula a txi khene: “Mi womba tonato. Ngani!”

Matewu 26:49

Konako, Judha a to tshuketa hafuhi ka Jesu a txi khene: “Xeweni, M'gondisi!” Se e mu pswopswa.

Matewu 23:7

va dhunda kuloswa amu metendelani ni kudhanwa ku ‘M'gondisi M'gondisi’ ngu vathu.”

Mavingu 30:20

Ngu toneto, ni nzila ya wamsikati wa digelegele: Ene wa dya, e bahulela txisofu txakwe, a txi khene: Kha na maha to biha.

2 Vafumeli 5:25

Sekoko a to wulela e si veka masoni ka nyamne wakwe Elizewu. Se Elixa a to khene: U wuya ngu hani awe Gehazi. Gehazi a nje khene kha naya ka wukhalo ni wawumwewo.

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Matewu 26:14

Sekoko konako, mmweyo wa vale va digumi ni vambidi, a dhanwako ku i Judha Iskariyoti, a to ya ka vaphaxeli va hombe, a txi ya khene:

Johani 4:31

Ngu kumaha keto, vagondiswa vakwe va to mkhongotela, va txi kha vona: “Dyana, M'gondisi!”