Matewu 26:18 - Bhiblia Yo Sawuleka

¹⁸ Ene a to angula, a txi khene: “Tsulani didhoropani, ka m'ti wa nombwe wokari, mi na ya mu gela tiya: ‘M'gondisi a khene: Mbimo yangu yi hafuhi. Ni lava ku ta mahela nyumbani kwako Pasika kumweko ni vagondiswa vangu.’ ”

Matewu 26:18 Referans Kwoze

Johani 7:6

Ngu toneto, Jesu a ti khene kwawe: “Mbimo yangu kha yi nzi kuhoka; kasi i di anu, mbimo yanu yi ho otshe masiku.

Johani 17:1

Jesu ngako a di wombile timhaka tiya, a to gula maso a txi wona nzumani, a txi khene: “Tata, txi hokile txikhati. Dhumisa Mwanana wako, kufela kunene Mwanana wako e kudhumisa,

Johani 13:1

Na kusanzi kuhoka M'buso wa Pasika, Jesu, ngu kuziva ti to txi hokile txikhati txakwe, txa kupinda ka ditiko diya e tsula ka Tate, Ene a nga ti ti va randa vathu vakwe, va ku ha mafuni, a va kombile lirando kala kuhoka magwito.

Johani 7:30

Se va to lava ku mñola, aniko kha ka nga va ni mmweyo a nga mu gwesa, nguko mbimo yakwe yi sanzi kuhoka.

Johani 7:8

Tsulani anu, m'busoniyo, nguko mbimo yangu kha yi nzi kuhetiseka.”

Johani 12:23

Se ene a to va xamula a txi khene: “Txi hokile txikhati txa kupfaliswa ka Mwanana wa M'thu.

Luka 22:53

Ka otshe masiku awa ni nga ti ni nanu Dithepeleni, kha ma ni gwesa ngu manza anu, aniko atxiya ngu txona txikhati txanu ni mfumo wa txidema.”

Johani 11:28

A di wombile tiya, a to khukha eya dhana mwanawe Mariya, a txi mu gela ngu malengo a txi khene: “M'gondisi a bwakile, wa kudhana.”

Marku 5:35

Ene a di ngadi a txi womba-womba, ku to bwaka vathu va kuta ngu m'tini ka mthangeli wa disinagoga va txi kha vona: “Mwanana wako a fite; se u karatela txani kambe M'gondisi kani?”

Matewu 26:2

“Ma tiziva ti to ngako ma di pindile masiku mambidi ku nava i di Pasika; se Mwanana wa M'thu a na ningelwa kasi kuya bethelwa ha txihambanoni.”

Matewu 23:10

Mi nga tumeleni ve mi dhana ku mi vagondisi, nguko M'gondisi wanu i mmweyo: I ku Kristu.

Matewu 23:8

“Kasi i di anu mi nga dhundeni kudhanwa ku mi M'gondisi, nguko M'gondisi wanu mmweyo, anu ngu txanu mi va txikoma ni txinanda.

Matewu 21:3

Ngako m'thu a txi mi angula to kari, mi na khanu: ‘Mkoma wa ti lava’, kambe a na kuluveta ku ti wuyisa.”

Johani 20:16

Jesu a to mu gela ku khene: “Mariya!” Ene a to tshembereka, a txi womba ngu Txihebheru, a txi khene: “Rabbuni!” Ati ti wombako ku “M'gondisi.”

Matewu 26:49

Konako, Judha a to tshuketa hafuhi ka Jesu a txi khene: “Xeweni, M'gondisi!” Se e mu pswopswa.

Matewu 26:19

Vagondiswa va to maha nga ti Jesu a nga va rumisa tona, veya longisela Pasika.