Matewu 26:15 - Bhiblia Yo Sawuleka

¹⁵ “Mi na ni ninga txani, ngako ni txi ningela Jesu kwanu kani?” Vona va to m pimela magumi mararu a male ya silivela.

Matewu 26:15 Referans Kwoze

Eksodha 21:32

aniko ngako homu yi txi dhina khumbi ya wamwamna mwendo ya wamsikati, nyamne wa homu a na diha ngu male ya magumi mararu a maxekele a silivhela ka nyamne wa khumbi, ni homu ya kona yi na baliselwa ngu marigwi.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

1 Timoti 3:3

i si nga disela mwendo m'thu wa mazunga, aniko a nave i di wo dikha, a si nga ni wukhuxu ni timbiti.

Mithumo 1:18

(Se Judha a xavile thembwe ngu male ya wubihi wakwe; a wite ngu mrumbu, a txi bhandeka ngu hagari, ma nje kuhuma masembe akwe otshe.

Valamuli 17:10

Sekoko Mika a to m'gela ku khene: “Zumba ni nani, u maha tate wangu ni mphaxeli wangu; se dilembe ni dilembe ni na kuninga male ya digumi da tisilivhela, ni so ambala, ni sakudya.” Se Mlevhi a to wulela.

Valamuli 16:5

Sekoko vathangeli va Vafilista va to tsula va txi ya gela Dhalila, va ku kha vona: Mphungaletele kasiku u na ziva amu wutako ngu kona mtamo wakwe wa hombe, ni ti to hi nga sikotisa kutxani ku mxula ni ku msunga, kasi hi txi mxanisa; se mmwani ni mmwani kwathu, a na kuninga male ya 1.100 wa maxekele a silivhela.

Genesisi 38:16

A to ya hafuhi kwakwe eya khene: “Ngono ni ta wulela kwako, na ku kombela.” Nguko a ti si ti zivi ti to ngene maane wakwe. Aniko Tamari a ti khene: “Ngako u txi otela ni nani, u na ni ninga txani, kani?”

Isaya 56:11

Se timbwa tiya nda limito, kha ti na kukhura; vona mbadyisi vo mbi pima txilo; votshe va tshumelela tinzilani kwawe, mmweyo ni mmweyo ka matshanza akwe, mmweyo ni mmweyo ngu dakwe didhawa.

Matewu 10:4

Simoni wa Mukanana ni Judha Iskariyoti, awu a nga ningela Jesu.

Matewu 26:16

Se kukhukhela konaho a to khata kulava mbimo ya yinene ya ku mningela ngu yona.

Levhi 27:4

Kambe ngako i di wamsikati wa yoneyo tanga, mtengo wa kona wa male wu na va i di wa magumi mararu a maxekele.