Matewu 26:14 - Bhiblia Yo Sawuleka

¹⁴ Sekoko konako, mmweyo wa vale va digumi ni vambidi, a dhanwako ku i Judha Iskariyoti, a to ya ka vaphaxeli va hombe, a txi ya khene:

Matewu 26:14 Referans Kwoze

Matewu 10:4

Simoni wa Mukanana ni Judha Iskariyoti, awu a nga ningela Jesu.

Mithumo 1:16

“Vavamna va khe kwathu, yi ti ni fanelo ya kutatiseka Mibhalo yi yi nga profetwa kale ngu Moya wo Sawuleka, ngu txisofu txa Dhavhidha, ayi yi wombako ngu Judha, awu a nga ti maha mthangeli wa vale va nga ñola Jesu.

Johani 13:30

Ku ti ngako a di tekile txikhwemu txile, Judha a to huma kunukunuko. I ti wusiku.

Johani 13:2

Se hagari ka kulalela, ngako Sathani a nga ti wulete mapimoni ka Judha Iskariyoti, mwanana wa Simoni, kufela ku ene e ningela Jesu;

Matewu 27:3

Sekoko, Judha, awu a nga mningela, a di woni ti to Jesu a abanisetwe kufa, a to ti laya se e tshumeta male yile ya magumi mararu, ya silivhela, ka vaphaxeli va hombe ni madhota a ditiko,

Matewu 26:47

Ene a di ngadi a txi womba tiya, konaho ku to bwaka Judha, mmweyo wa va digumi ni vambidi, ni dibutho da hombe da vathu kumweko nayo, na va di ni matxhari ni migomba, va txi ta ngu kurumwa ngu vaphaxeli va hombe ni madhota a ditiko.

Johani 18:2

Judha awu a nga ti lava ku mningela, a ti wu ziva wukhalo wule, nguko Jesu a txi talisa kuya tshangana kona hale sikhati so tala ni vagondiswa vakwe.

Matewu 26:25

Konaho Judha, awu a nga mningela, a to angula a txi khene: “M'gondisi, i nga va i di ani kani?” Jesu a to xamula a txi khene: “U ti landute upune!”

Johani 12:4

Sekoko Judha Iskariyoti, mmweyo wa vagondiswa vakwe, awu a no mningela, a txi khene:

Johani 13:26

Jesu, a to mu xamula a txi khene: “Ngu wule ni no mninga txikhwemu txi ni no thanga ngu ku txi beta.” Ku ti ngako a di txi betile, a to txi ninga Judha Iskariyoti, mwana Simoni.

Mithumo 1:18

(Se Judha a xavile thembwe ngu male ya wubihi wakwe; a wite ngu mrumbu, a txi bhandeka ngu hagari, ma nje kuhuma masembe akwe otshe.