Matewu 26:10 - Bhiblia Yo Sawuleka

¹⁰ Aniko Jesu, ngako a txi ziva mapswi awa, a to va gela ku khene: “Mi karatela txani wu wa wamsikati, kani? Khaditsuri ene a ni mahete mthumo wa lisima.

Matewu 26:10 Referans Kwoze

Titosi 3:8

Di thembekile dipswi diya. Nanani ni lava ku u sunamisa kugondisa mhaka yiya, ti to avale va kholwako ka Txizimu va na khutala amu ka mithumo ya yinene. Atiya tina ni lisima kambe ta vhuna vathu.

Vahebheru 13:21

Mkoma wathu Jesu, txi na mi longisele sotshe si i ku sa sinene, kasi ku si mi vhuna kumaha kuranda ka txona; txona Txizimu txi na thume kwathu ati ti txi tsakisako, ngu Jesu Kristu, awu a fanelako kupfaliswa ngu malembe ni malembe.

Titosi 3:14

Votshe va ka kwathu va fanete kugonda kukhutalela mithumo ya yinene, kasi kuvhuna amu si pwatekako ngutu, va si mahi sifule so mbi veka mihando.

Titosi 3:1

Alakanyisa votshe ti to va fanete kutiveka hahatshi ka vafumeli ni ka vakoma, va fanete ku va engisa, ve zumba va di ti lulamisete kumaha mthumo wuhi ni wuhi wo lulama,

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

Titosi 1:16

Va womba ti to va txi ziva Txizimu, aniko va txi lamba ngu mahanyelo awe, nguko va nyenyeza, nzindaka milayo, kha va sikoti kumaha mthumo ni wawumwewo wa wunene.

2 Timoti 2:21

Ngu konaho, awu a ti basisako ka sihoxo siya a na va i di txiya txa hombe, txo sawuleka, txa kuvhuna ka nyamne wa txona, atxi txi nga lulamiselwa wotshe mthumo wa wunene.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

1 Timoti 3:1

Di thembekile dipswi diya di ku: Awu a navelako kuva mthangeli wa dibanza, a navela mthumo wa wunene.

2 Vatesalonika 2:17

vona va na mi tsakise timbilu tanu, ni ku mi tsanisa ka totshe ta tinene ti mi ti mahako, ni ka totshe ta tinene ti mi ti wombako.

Vakolosa 1:10

ti to mi txi tsimbila ngu tifanelo ti ti lavekako masoni ka Mkoma, mi txi mtsakisa ka totshe timhaka, mi txi veka mihando ngu kuthuma mithumo ya yinene, mi txi kula amu ka kuziva Txizimu,

Vaefesu 2:10

Nguko athu hi mthumo wa kuhuma manzani ka Txizimu txi nga hi va nga ngu ka Kristu Jesu ngu mhaka ya mithumo ya yinene yi Txizimu txi nga hi sikela ngu kale, kasiku hi yi maha.

Vagalatiya 6:17

Kukhukhela konkuwa, m'thu a nga thuke a txi ni karata, nguko ha mmidi kwangu, nina ni timbirimbi ta silonda si ni nga si mana ngu mhaka ya Jesu.

Vagalatiya 5:12

Avale va phayako vhilinganya hagari kwanu va na ye hawa ko gwita ngu ku ti thena!

Vagalatiya 1:7

Kha yi nga ho yimwani Evhangeli. Atxi txi kuho ngu vale va vhinganyiselako mapimo anu, va zamako kusoholota Evhangeli ya Kristu.

2 Vakorinto 9:8

Txizimu txa sikota ku mi andisela otshe makatekwa, kasiku mi txi mana asi si lavekako yotshe mbimo ni ka sotshe simaha, ni kutshumela si txi sala kufela ku mi txi maha ngu sona yotshe mithumo ya yinene,

Marku 14:6

Aniko Jesu a to khene: “Mlekeni, mi mu karatela txani kani? Ene a ni mahete mthumo wa wunene.

Jobe 13:7

Ina mi nga dhuka mi womba kubiha ngu Txizimu, se mi nuwela makuhu ngu txona kani?

Nehemiya 2:18

Sekoko ni to va gela nga ha dianza da Txizimu txangu di nga ni mahela wunene, ni mapswi ale mfumeli a nga ti ma wombile kwangu. Sekoko va to kha vona: Ahi khukheni hi aka! Se va to ti ningetetela kumaha mthumo wa wunene.

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Matewu 26:9

Nguko si ndi na xaviswa ngu kudhula ngutu, se male ya kona yi ningwa sisiwana!”

Matewu 26:11

Kha ditshuri, sisiwana mi na va naso yotshe mbimo, kasi ani kha mi na mbi va ni nani yotshe mbimo.

Luka 8:49

Ku ti ngako a di ngadi a txi womba-womba, ku to bwaka mmwani wa kuta ngu nyumbani ka mthangeli wa disinagoga, a txi khene kwakwe: “Mwanana wako a fite. U nge ngadi u txi karata M'gondisi.”