Matewu 25:9 - Bhiblia Yo Sawuleka

⁹ Aniko timbiri to txhariha ti to angula ti txi kha tona: ‘Ahim-him, mafura ma nga thuka ma si hi eneleli athu ni nanu; tsulani ka vale va xavisako, mi ya ti xavela nanu.’

Matewu 25:9 Referans Kwoze

Ezekhiyele 14:20

hambi i di ku ngako Nowa ni Dhaniyele ni Jobe na va diho hagari ka dona, na hanya ani, kuwomba Mkoma Txizimu, va si hulukisi mwanana hambi wa dijaha mwendo wa muhorana, aniko va ndi na hanyisa mihefemulo yawe vapune dwe, ngu kululama kwawe.

Mithumo 8:22

Ngu konaho, hunduluka kubihani kwako, u txi khongela ka Mkoma, mwendo u nga divalelwa kualakanya kuwa ka mbilu yako;

Jeremiya 15:1

Sekoko Mkoma a to khene kwangu: “Hambi i ti ku Mosi ni Samuwele vo ta ema masoni kwangu, mbilu yangu nga yi si sikoti kuva kumweko ni vathu vava. Va tutumise masoni kwangu.

Matewu 7:24

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Matewu 25:2

Aniko mtxhanu wa tona ti ti divate, se timwani ta mtxhanu i ti to txhariha.

Matewu 25:8

Atile to divala ti to womba ka tile to txhariha ti txi kha tona: ‘Hi hunguleleni mafura anu, nguko malambu athu ma timeka’.