Matewu 25:46 - Bhiblia Yo Sawuleka

⁴⁶ Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Matewu 25:46 Referans Kwoze

Dhaniyeli 12:2

Se wungi wa vale va nga otela ha mafuni va na wuka, vamwani va na wuka ve yiswa ka wutomi wo mbi guma; kasi vamwani va na yiswa kueyiswani ni tinganani to mbi guma.

Johani 3:36

Awu a kholwako ka Mwanana, a ni wutomi wo mbi guma. Awu asi engisiko Mwanana, kha na mbi wona wutomi, aniko kuhenya ka Txizimu ku txitimwi kwakwe.

Johani 5:29

Se ava va nga maha ta tinene, va na wukela kuya kuhanyani ko mbi guma; ani ava va nga maha to biha, va na wukela kuya kusungwani.”

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Mtuletelo 20:15

Se avale va nga ti sa bhalwa dibhukuni ka wutomi va to vinzwa ni vona txizivani ka mndilo.

2 Vatesalonika 1:9

Txitsayiso txawe ku nava kulova ko mbi guma, kha va na mbi ka nga yi wona khohe ya Mkoma, hambi kuphatima ka wukoma wakwe,

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Varoma 5:21

ti to ngako kuonha ku nga fuma ngu lifo, kateko ni yona yi fanela kufuma ngu kululama ku ku yisako ka wutomi wo mbi guma, ngu Jesu Kristu Mkoma Wathu.

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Mithumo 24:15

Txithembo txi ni ku natxo ka Txizimu, ni vona va natxo: Ti to vo lulama ni va ku ambi lulama va na wuka ka vakufa.

1 Johani 2:25

Txithembiso txi a nga hi mahela ngu txiya: Wutomi wo mbi guma.

Vagalatiya 6:8

Awule a phayako so tsakisa mtumbuluko wakwe wa nyama, a na elula so sina si humako ka mtumbuluko wakwe wonewo; aniko awu a phayako so tsakisa Moya, a na elula asi si humako ka wona Moya, i ku wutomi wo mbi guma.

Luka 16:26

Hahanze ka toneto kambe, ku na ni mkova wa kuhokoma ngutu hagari kwanu ni nathu, se ngu konaho, ava va lavako kutshawunyeta va txi ta kheyo kwanu kha va na kusikota, hambi anu kheyo kha mi na kusikota kutshawunyeta mi txi ta kheno kwathu.’ ”

Johani 17:2

nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.

Matewu 19:29

Se wuhi ni wuhi, a nga leka tinyumba, vanawe, tindiyakwe, tate, mame, msikati, vanana mwendo tithembwe ngu mhaka ya ditina dangu, a na amukela sa kupinda ngutu asile, se ngu msana a na mana thomba ya wutomi wo mbi guma.

Matewu 13:43

Se valulami va na phatima nga ditambo Mfumoni ka Tate wawe. Awu a ku ni tinzeve a na engise!”

Judha 1:21

ti veketeni lirandoni ka Txizimu, mi txi veka kuthemba kwanu ka wumbilu wa Mkoma Wathu Jesu Kristu, kasi ku mi na mana wutomi wo mbi guma.

Matewu 19:16

Konaho, mmweyo a to mtshuketela, a txi khene kwakwe: “M'gondisi wamnene, nji txani txa txinene ni fanelako ku txi maha, kasiku ni mana wutomi wo mbi guma kani?”

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Johani 4:14

aniko awule a selako mati yawa ni no mninga ani, kha na mbiswa a txi pfa ditora; kambe mati yawa ni no mninga, ma na hinduka mndani kwakwe ma txi maha txisima txa mati yawa ma mu ningako wutomi wo mbi guma.”

Johani 5:24

“Ngu ditshuri, ngu ditshuri, na mi gela ku khani: Awu a engisako dipswi dangu, ni kukholwa ka wu a nga ni ruma, ana ni wutomi wo mbi guma, se kha na mbi ngadi e ta kulamulwani, aniko a humile kufani e wulela wutomini.

Johani 6:27

Mi nga karatekeni ngu kuthumela sakudya si si pindako, aniko thumelani asi si no va si diho kala kuhoka ka wutomi wo mbi guma, asiya Mwanana wa M'thu a no mi ninga, nguko Ene wu, ngene a nga vekelwa txixambanyo ngu Txizimu Tate.”

Johani 6:40

Ngu toneto, kuranda ka Tate ngu kuwa: Wuhi ni wuhi a wonako Mwanana e kholwa kwakwe, eva ni wutomi wo mbi guma; se ani ni na mu wusa ngu ditshiku da magwito.”

Mithumo 13:46

Aniko Paulo ni Bharnabhasi, na va si thavi txilo, va to womba, va txi kha vona: “Ku ti fanete kuthanga ngu kwanu hi txi huwelela dipswi da Txizimu. Aniko ngako mi di rethelako kule ni nanu mipune, mi ti pfako mi si nga ni fanelo ya wutomi wo mbi guma, senikoko athu ha tshumelela ka vamatiko.

Mithumo 13:48

Va di engisile toneto, vamatiko va to tala ngu litsako, ve dhumisa dipswi da Mkoma. Ni votshe vale va nga ti ni fanelo ya wutomi wo mbi guma, va to amukela likholo.