Matewu 25:44 - Bhiblia Yo Sawuleka

⁴⁴ “Sekoko ni vona va na wotisa va txi kha vona: ‘Mkoma ngu dihi ditshiku hi nga kuwona u di ni nzala, mwendo u di ni wusakato, mwendo malwati, mwendo u di ku khotelwani, hi txi lamba ku kuvhuna, kani?’

Matewu 25:44 Referans Kwoze

Luka 10:29

Aniko ene, ngu kulava ku ti maha wamnene, a to womba tiya ka Jesu: “Ngu mani muakelani wangu kani?”

Matewu 7:22

“Ka edo ditshiku vavangi va nata womba kwangu va txi kha vona: Mkoma, Mkoma, ina athu kha ha profeta ngu ditina dako kani? Ina kha ha tovela madhimoni ngu ditina dako kani?’

Malakiya 3:13

Mapswi anu ma ve o lwisa ngutu kwangu, kuwomba Mkoma; aniko anu mi khanu: Intxani hi nga womba-womba txona ngu ngawe kani?

Malakiya 2:17

Mi rerile Mkoma ngu mawombawombelo anu; kambe mi ngadi mi txi khanu: Hi rerile ngu txani kani? Ka ti mi wombako mi txi khanu: Ni wuhi a mahako to biha, a lulamile masoni ka Mkoma, se evo nguvo ene a tsakako ngu vona; Mwendo txi hayi Txizimu txa wululamo kani?

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Jeremiya 2:35

Kambe u khawe: Nga hawa ni kuwalo mnandu, kuhenya kwakwe kuhumile kwangu. Wa wona, ni na kulamula. Aniko u khawe: Kha na onha!

Jeremiya 2:23

U nga wombisa kutxani ku khawe, kha na nyenyeziswa, kha na londisela Bhahali kani? Hi nga wona nzila yako mreleloni, alakanya ti u nga maha; awe u dikameli da mazambo di tutumelako hale ni hale.

Matewu 5:6

Va katekile ava va ku ni nzala ni ditora da wululami, nguko va na khuriswa!

Matewu 10:41

Awule a amukelako mprofeti, ngu kuva ene i di mprofeti, a na ningwa hakhelo ya mprofeti; se awule a amukelako m'thu wo lulama, ngu kuva ene i di m'thu wo lulama, a na amukela hakhelo ya mlulami.

Matewu 25:43

mbimo yi ni nga ti muendi, kha ma ni amukela; ni ti ti ni wusakato, aniko kha ma ni ambeka; mbimo yi ni nga ti ti lwala mwendo ni nga ti ku khotelwani, kha mata mi ta ni xola.’ ”

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’