Matewu 25:41 - Bhiblia Yo Sawuleka

⁴¹ Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Matewu 25:41 Referans Kwoze

2 Pedro 2:4

Ngu toneto, ngako Txizimu txi nga mbi divalela tingelozi ti ti nga onha, aniko txi ti rinzile maphalani ka txidema txa Gehena, ahawa ti woneletwako kala ditshiku da kulamulwa,

2 Vatesalonika 1:9

Txitsayiso txawe ku nava kulova ko mbi guma, kha va na mbi ka nga yi wona khohe ya Mkoma, hambi kuphatima ka wukoma wakwe,

Matewu 13:42

ti na va tshotsha mu mdhikilani ka mndilo, ahawa ku no va i di ka kudila ni kugegeresela ka makwasa.

Matewu 13:40

Kufana ni kuleya nyasavari a wungeletelwako e hiswa ngu mndilo, ngu toneto ti no mahwa kugumani ka ditiko.

Johani 8:44

Tate wanu ngu Sathani. Se mi randa kumaha kunavela ka tate wanu. Ene i m'dayi kukhukhela kukhatani, kha zumba ditshurini, nguko kwakwe kuwalo ditshuri. Ngako a txi womba-womba makuhu, a womba-womba ngu ti i ku takwe, nguko i m'hembi ni tate wa makuhu.

Matewu 7:23

Konaho, ani ni nata va gela ha kubasani ni txi khani: ‘Txima kha na mi ziva; hambukani kule ni nani, anu vamahi va sionho.’ ”

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Vahebheru 6:8

Aniko, mafu awa ma humisako mipa ni tikwakwati ma na rukwa, me gwita ngu kuhiswa.

Matewu 13:50

Ti na va tshotsha mdhikilani ka hombe ka mndilo wo tura, koneyo ku nava i di ka kudila ni kugegeresela ka makwasa.”

Isaya 66:24

Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.

1 Johani 3:10

Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.

Luka 16:24

Konaho a to kwangula a txi khene: ‘Tata Abrahamu, ni size u ruma Lazaro, eya nakanisa tshoka ya litiho ngu mati, a txi ta ni timula lidimi, nguko na xaniswa ngutu ha mdhikilani hawa ka mndilo.’

Luka 13:27

Ene a na mi xamula a txi khene: ‘Na mi gela ku khani kha ni mi zivi ti to mi ta ngu hani. Tsulani kule ni nani, anu mi mahako mithumo yo biha.’

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Matewu 18:8

Ngu toneto, ngako diwoko mwendo mnenge wako si txi kukhuvekisa, si wile, u si tshotsha kule ni nawe! I txhuko kwako kuwulela kuhanyani u di txilima mwendo u txi khwita, kupinda kutshotshwa mndiloni ko mbi gwita, u di ni mawoko a mambidi ni minenge ya yimbidi.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Jeremiya 17:5

Mkoma a khene: “A ruketetwe m'thu wu a thembako m'thu, a thembako mtamo wa diwoko dakwe, na mbilu yakwe yi di hambanile ni Mkoma.

Masalmo 139:19

Txizimu, fuvisa avale va mahako kubiha, anu sigevenga, hambukani mi tsula kule ni nani.

Masalmo 119:115

Tsulani kule anu vabihi, kasi ni na xayisa sirumo sa Txizimu txangu!

Masalmo 119:21

Awe wa kawuka avale va ti guletako; avale va ti vangelako dikhombo ngu ku ti hambanisa ni sirumo sako.

Masalmo 6:8

Khukhani kwangu motshenu mi mahetelako kubiha, nguko Mkoma a engisile dipswi da kudila kwangu.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Matewu 25:42

Nguko mbimo yi ni nga ti ni nzala, kha ma ni phamela; mbimo yi ni nga ti ni ditora, kha ma ni ninga so sela;

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,