Matewu 25:40 - Bhiblia Yo Sawuleka

⁴⁰ “Se Mfumeli a na va xamula a txi khene: ‘Kha ditshuri na mi gela ti to khani: Yotshe mbimo yi mi nga ti maha eto ka mmweyo wa vanathu vavadotho, mi mahete ani nipune’.

Matewu 25:40 Referans Kwoze

Mavingu 19:17

Awule a ningako ka txisiwana o lombisa ka Mkoma, se ene a na tshumetelwa dibhindu da kona.

Mavingu 14:31

Awule a xanisako txisiwana a ruka wule a nga txi vanga, aniko awule a xanisekelako txisiwana wa m'guleta.

Matewu 10:42

Ani wule a ningako ka mmweyo wa vale vavadotho, hambi i di muhindo wumwewo wa mati o titila, ngu mhaka ya kuva i di mgondiswa wangu, kha ditshuri na mi gela ti to kha na mbi luzekelwa ngu ditshungulo dakwe.”

Marku 9:41

Awule a no mi ninga muhindo wa mati o sela ngu mhaka ya kuva mi di vagondiswa va Kristu, kha ditshuri na mi gela ti to kha na mbi mwalalelwa ngu dihelo yakwe.”

1 Pedro 1:22

Ngu kuengisa ditshuri, mi basisilwe mimoyani kwanu ngu lirando la txikoma ni txinanda. Randanani ngu kukhutala ka lirando la kuta ngu mndani ka mbilu,

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

Matewu 10:40

“Awule a mi amukelako, a amukela ani, se awule a ni amukelako, a amukela awule a nga ni ruma.

Matewu 18:10

“Ti woneleni ti to mi si kanyisi ni wammweyo ka va vavadotho, nguko ni khani kwanu: Tingelozi tawe, ani nzumani, ti maneka yotshe mbimo masoni ka Tate wangu a ku nzumani.

1 Johani 4:20

Ngako m'thu a txi khene: “Ani na randa Txizimu,” na a txi vengela mwanawe, mthuyo ana ni makuhu: Nguko awu asi randiko mwanawe, awu a mu wonako, kha na kusikota kuranda Txizimu txi asi txi woniko.

Vahebheru 6:10

Nguko, Txizimu kha txi nga ni tshofu. Kha txi na kudivala mthumo wanu, ni lirando li mi nga li kombisa ka ditina da txona anu mi nga thumela vasawuleki va txona, avava ni konkuwa, mi va thumelako.

Vaefesu 5:30

nguko athu hi sihango sa mmidi wakwe.

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

2 Samuwele 9:7

Se Dhavhidha a to khene kwakwe: U nga thave, nguko ni lava ku ku mahela wuxinji ngu mhaka ya kuranda Jonatani, tate wako. Kambe ni na kutshumetela otshe mapulo a tate wako Sawule, awe u na dyela mezani kwangu masiku otshe.

Varoma 8:29

Nguko avale Txizimu txi nga va ziva ngu kale, ngu vona txi nga va sikela ngu kale ti to ve fana ni Mwanana wa txona, i ku ene matiwula ka vananda vakwe votala.

Matewu 28:10

Sekoko Jesu a to va gela a txi khene: “Mi nga thaveni txilo, tsulani mi ya gela vanathu ti to ve tsula Galileya, va na ya ni wonela kona.”

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

2 Samuwele 9:1

Se Dhavhidha a to khene: Ina ku ni m'thu a nga sala ka nyumba ya ka Sawule, kasi ku ni mmahela wuxinji, ngu mhaka ya kuranda Jonatani kani?

2 Vakorinto 4:5

Nguko kha hi ti wombeli athu ngu wutumbu, aniko hi womba ti taku Jesu Kristu ngene i ku Mkoma. I di athu, hi sithumi sanu ngu mhaka ya Jesu.

Johani 20:17

Jesu a to khene kwakwe: “U nga ni gwese, nguko kha ni nzi kuya ka Tata. Aniko tsula ka vanathu, u txi ya va gela, u txi khawe: Na kwela, ni ya ka Tate wangu, i ku Tate wanu; ka Txizimu txangu, i ku Txizimu txanu.”

2 Vafumeli 4:10

A hi mu akele txitanga hafuhi ni diguma, hi m'vekela m'bhedhu, ni meza, ni txitulu, ni dilambu; se ku na mbimo yile a tako kwathu, a na humula konamo.

Matewu 25:39

Ngu dihi ditshiku hi nga kuwona u txi lwala, mwendo u di ku khotelwani, hi txi ta kwako, kani?’ ”

Matewu 25:45

Sekoko ene a na va angula a txi khene: ‘Kha ditshuri na mi gela ku khani: Yotshe mbimo yi mi nga leka ku ti maha tiya ka mmweyo wa vanathu vavadotho, ni nani kha ma ni mahela.’

Luka 19:38

“A na dhumiswe Mfumeli wu a tako, ngu ditina da Mkoma. Kudikha ku na tale nzumani, ni kupfaliswa ka Nyatxitimwi!”

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Jeremiya 39:17

Aniko ni na kuhulukisa kedo ditshiku, kuwomba Mkoma, khu na mbi ningelwa manzani ka vathuvo u va thavako.