Matewu 25:37 - Bhiblia Yo Sawuleka

³⁷ “Sekoko valulami va na mu angula va txi kha vona: ‘Mkoma ngu dihi ditshiku hi nga kuwona u di ni nzala hi txi ku phamela, u di ni ditora, hi txi ku ha mati o sela kani?

Matewu 25:37 Referans Kwoze

Matewu 6:3

Aniko awe, u txi ha sisiwana, diwoko dako da txibhabha di nga zive ati ti mahwako ngu di da txinene;

1 Makronika 29:14

Nguko ngani mani ani, ni vathu vangu mba mani, vaku hi nga sikota kuninga simaha so fana ni siya, ngu kuranda kwathu kani? Nguko sotshe sita ngu kwako, se ha si ningela manzani kwako.

1 Vakorinto 15:10

Kambe konakuwa, ngu mtamo wa kateko ya Txizimu ni phindukile ni maha txi ni ku txona, kambe kateko yiya Txizimu txi nga ni ninga, kha ya maha txifule; nguko ni thumile ngutu kupinda vona votshe; kasi mweno hi nga ani, kambe i kateko ya Txizimu yi yi ku ni nani, yi nga thuma tona.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Mavingu 15:33

Kuthava Mkoma i gondo ya wutxhari, se masoni ka kudhundeka, ku ni kutiveka hahatshi.

Matewu 5:6

Va katekile ava va ku ni nzala ni ditora da wululami, nguko va na khuriswa!

Matewu 25:36

Ni ti si nga ni sakuambala, aniko mi ni ambekile; ni ti ti lwala, se mi tile mi ta ni xola; ni ti ti ku khotelwani, mi tile mi ta ni dingula.’ ”

Matewu 25:38

Ngu dihi ditshiku hi nga kuwona u di muendi, hi txi kuamukela, mwendo u di ni wusakato hi txi kuambeka, kani?