Matewu 25:30 - Bhiblia Yo Sawuleka

³⁰ Txithumi-txo txa mkara, txo mbi vhuna txilo, txi tshotsheni hahanze mtemani; konamo ku na vaho kudila ni kugegeresela ka makwasa.”

Matewu 25:30 Referans Kwoze

Matewu 8:12

Kambe vanana va Mfumo va na tshotshwa hahanze mtemani, ahawa ku no va ni tihuwa ni kugegeresela ka makwasa.”

Matewu 22:13

Sekoko mfumeli a to khene ka sithumi: ‘Mu sungeni minenge ni mawoko, mi mu tshotsha txidemani ka hahanze, ahawa ku no va i di ka tihuwa ni kugegeresela ka makwasa.’

Matewu 13:50

Ti na va tshotsha mdhikilani ka hombe ka mndilo wo tura, koneyo ku nava i di ka kudila ni kugegeresela ka makwasa.”

Judha 1:13

i mavimbi o leva a linene; mithumo yawe ya tingana yi pupuma nga diphutu; ndinyeleti to pepuka ati ti nga lulamiselwa txidema txa hombe txo mbi na magwito.

Titosi 3:14

Votshe va ka kwathu va fanete kugonda kukhutalela mithumo ya yinene, kasi kuvhuna amu si pwatekako ngutu, va si mahi sifule so mbi veka mihando.

Johani 15:6

Wuhi ni wuhi asi zumbiko kwangu, a na tshotshwa hahanze, a txi oma kufana ni didhavi. Madhavi o ngeto, ma rolelwa ma txi rinzwa ha mndiloni, ma txi hiswa.

Luka 13:28

Konaho ku nava ni kudila ni kugegeresela ka makwasa, mbimo yi mi nota wona Abrahamu, Isaake, Jakobe, ni votshe vaprofeti va di Mfumoni ka Txizimu, na anu mi txi rethetelwa mi yiswa hahanze.

Matewu 24:51

Ene a nata txi tsayisa ngutu, a nata txi yisa ka wukhalo wa vaxengeteli; konaho ku nava ni tihuwa ni kugegeresela ka makwasa.”

Matewu 13:42

ti na va tshotsha mu mdhikilani ka mndilo, ahawa ku no va i di ka kudila ni kugegeresela ka makwasa.

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

2 Pedro 2:17

Vathu vava va fana ni sisima so mbina mati, ni marefu awa ma susumetwako ngu moya wa txihuhuri. Se txidema txa hombe ngutu txi va rinzete.

Matewu 5:13

“Anu mi m'nyu ka vathu. Ngako m'nyu wu txi guma mtamo, wu na lungwa wona ngu txani kani? Kha wu vhuni txilo kambe, hahanze ka kutheketwa kule, kasi wu na kandetelwa ngu vathu.”

Matewu 3:10

Kambe ndzanga yi vekilwe ha mikolotini ka mindonga. Ngu toneto, mndonga wuhi ni wuhi wu si velekiko mihando ya yinene, wu na gangwa wu tshotshwa ha mndiloni.

Masalmo 112:10

M'thu wo biha, a txi na ti wona tiya, a na henya; a na gegeresela makwasa e ti sotela; Kunavela ka vathu vo biha ku na fuva.