Matewu 25:24 - Bhiblia Yo Sawuleka

²⁴ Ngu kugwitisa, awule a nga ti amukete talenta ya yimweyo, a ti khene: ‘Nyamne wangu, na kuziva ngu kale ti to awe u m'thu wo karata, ngu ku u dhunda kuelula amuwa u nga mbi phaya, ni kusengeleta ahawa u nga mbi xwaya.

Matewu 25:24 Referans Kwoze

Luka 15:29

Kambe ene a xamute ka tate wakwe, a txi khene: ‘Malembe amangi ni ku thumelako, kha ni zivi kundaka ni wumwewo ka milayo yako, kambe khu zivi ku nga ni ninga phongo ni txi busa ni vangana vangu.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Varoma 9:20

Se u mani awe m'thu, u kanetisanako ni Txizimu kani? Ina txiya txo wumbwa txi nga wotisa ka muwumbi wa txona ku “U to ni wumbisa tiya ngu kutxani kani?”

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Luka 6:46

“Njani mi ni dhanako mi txi khanu: ‘Mkoma, Mkoma’, kuve kha mi mahi ti ni mi gelako tona kani?

Matewu 20:12

‘Ava vo gwitisa, va thumile txikhati tximwetxo dwe, aniko ni vona u va ningile hakhelo yimweyo ni nathu hi nga timisela mikaralo ya ditshiku dotshe, hi txihya ngu lisani.’

Matewu 7:21

“Hi nga votshe vale va wombako kwangu va txi Mkoma, Mkoma ava va no wulela Mfumoni ka nzumani, aniko ngu wule a mahako kuranda ka Tate wangu a ku nzumani.”

Isaya 58:3

Va txi kha vona: Se hi titonela txani sakudya, na u si hi woni kani? Hi txanisela txani muhefemulo wathu, na awe u si ti zivi kani? Wonani taku, ditshiku di mi ti tonako sakudya, mo mana ku ti tsakisa mipune, kambe mi lwela wotshe mthumo wanu.

Matewu 18:24

Ngako a di khatile ku va setxha, a to nehwa kwakwe mmweyo a nga ti ni mnandu nayo wa 10.000 wa titalenta.”

Matewu 25:25

Ngu konaho, ni ti ya sisa talenta yako, ngu dizowa, hahatshi ka mafu. Nditxe tximaha txi txi kulumbako.’

Matewu 25:26

Nyamne wakwe, a txi mu angula, a to khene: ‘Txithumi txa tshofu, txa mkara!’ U ti zivile ta ku ani na elula amuwa ni nga mbi phaya, ni sengeleta amuwa ni nga mbi xwaya.

Luka 19:13

Ku ti ngako a di dhani sithumi sakwe sa digumi, a to si ninga digumi da tipondo, a txi khene kwawe: ‘Ti bhinduliseni kala kuza ni wuya.’