Matewu 25:21 - Bhiblia Yo Sawuleka

²¹ Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Matewu 25:21 Referans Kwoze

Matewu 25:23

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Luka 16:10

Awu i ku wo thembeka ka sa sidotho, a na va i di wo thembeka kambe ni ka sasingi; awu i ku txidambu ka sa sidotho ngutu, njidambu kambe ni ka sasingi.

Johani 12:26

Ngako m'thu a txi lava ku ni thumela, a na ni londise, se ahawa ani ni ku kona, nene wule a ni thumelako a na va a di konaho. Se ngako m'thu a txi ni thumela, Tate wangu a na mu dhumisa.”

2 Timoti 2:12

ngako hi txi xaniseka kumweko nayo, hi na fuma kumweko nayo. Ngako hi txi mlamba, nene a na hi lamba;

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

Johani 14:3

Se ni di tsute, ni txi ya mi lulamisela wukhalo, ni na wuya kambe, ni ta mi teka, mi ya zumba kumweko ni nani, kasiku, ahawa ni ku kona ani, mi txi va mi di konaho nanu.

Johani 17:24

Tata, ni dhunda ti taku avale u nga ni ninga, ve va ni nani, ahawa ani ni ku kona, kasiku ve wona kuphatima kwangu, kuphatima kuwa u nga ni ninga awe; nguko awe u ni randile u sanzi kuvanga ditiko.

Mtuletelo 2:10

U nga telwe ngu dizowa ka tile ti no kuninga kupandiseka. Sathani a na beta mkorani vamwani kwanu, kasi ku mi duka. Mi na heta digumi da masiku na mi txi xaniseka. Zumba u di thembekile kala kufani, se ani ni na kuninga m'bhoti wa wutomi.

Matewu 24:45

“Ngu toneto, i mani i ku txithumi txo thembeka na a di ni wutxhari, awu a nga vekwa ngu nyamne masoni ka sithumi sakwe, kasiku e si phamela sakudya ngu txikhati txi txi fanelako kani?

Vafilipiya 1:23

Na ti wona ti to ni fumwa ngu minavelo yimbidi: Ni navela kutsula ni ya zumba ni Kristu, ati i ku ta tinene ngutu;

Mtuletelo 7:17

Nguko Txinvutana txi txi ku ha txikhaloni ka wukoma txi na va dyisa, txi va kombisa nzila ya kuya ka sisima sa mati a wutomi. Se Txizimu txi na va bahulela mirongo yotshe ka maso awe.”

Varoma 2:29

aniko Mujudha ngu wu i ku toneto ni mbiluni, ni wukwera wa ditshuri ngu wa mbilu, awu wu mahwako moyani, i si nga ngu mibhalo; se kudhumiswa kwakwe kha ku humi ka vathu, aniko kuhuma ngu ka Txizimu.

Luka 12:44

Ngu ditshuri na mi gela ku khani, ene a nata txi maha muwoneleti wa silo sakwe.

Matewu 25:46

Se avava va na tsula kutsayiswani ko mbi guma; ani valulami va na yiswa ka wutomi wo mbi guma.”

Matewu 24:47

Kha ditshuri na mi gela ti to a nata txi ninga kuxayisa sotshe si a ku naso.

Mtuletelo 21:7

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.

Vahebheru 12:2

Na hi txi wonetela Jesu, m'vangi ni muhetisekisi wa likholo lathu, awu a nga leka litsako li a nga velekwa ka lona, a txi langa sixaniso sa kurwala txihambano, asi khatali ngu kurukwa. Se konkuwa, a maneka a di khalahatshile txineneni ka txikhalo txa wukoma txa Txizimu.

2 Vakorinto 10:18

Nguko, awu a ti dhumisako kha amukelwi, hahanze ka wu a dhumiswako ngu Mkoma.

1 Vakorinto 4:5

Ngu toneto, mi nga tekeleni kulamula, txi sinzi kuhoka txikhati, kala kuwuyani ka Mkoma, awu a nota woninga mithumo yi yi nga sisala mtemani, e wonekisa makungo a timbilu. Se ngu konaho mmwani ni mmwani a nota amukela ka Txizimu wudhumo wu wu m'fanelako.

2 Vakorinto 5:9

Ngu toneto, mwendo hi hafuhi, mwendo hi kule nayo, ha ti karata ngu kumaha mithumo ya ku mtsakisa.

Mavingu 14:35

Mfumeli a tsakiswa ngu txithumi txo txhariha, aniko kuhenya ka mfumeli ku na wa txitimwi ka wule a tsimbilako ngu kuwekela.

Mavingu 28:20

M'thu wo thembeka a na kateka ngutu, kambe wule a navelako kukuluveta e humelela, kha na mbi huluka kutsayiswa.

1 Timoti 3:13

Nguko avale va thumako ta tinene mthumo wa wudhiyakoni va na mana txhatxhazelo ya txikhunja txa kuxonipheka ni kutsaniswa ka hombe ka likholo ka Kristu Jesu.