Matewu 25:2 - Bhiblia Yo Sawuleka

² Aniko mtxhanu wa tona ti ti divate, se timwani ta mtxhanu i ti to txhariha.

Matewu 25:2 Referans Kwoze

Jeremiya 24:2

Txirundu tximwetxo txi di ni maxanvu o tshura ngutu, o fana ni maxanvu awa o thangelela kuvitwa; tximwani txirundu txi di ni maxanvu o biha ngutu, ti si kotekiko ku ma txi dyiwa, nguko ma ti bihile ngutu.

Judha 1:5

Ni lava ku mi alakanyisa, hambiko totshe tiya mi ti zivako ta tinene ti to Mkoma, msana ka kutirula vathu vakwe ditikoni ka Egipta, a fuvisile va va nga ti si kholwi.

1 Johani 2:19

Vona va humete hagari kwathu, aniko i ti si nga va ka kwathu. Idiku i ti va ka kwathu, nga va di zumbile ni nathu; aniko va humile, kasi ku ti txi woneka ti to hi nga votshe i nga ti va ka kwathu.

Matewu 24:45

“Ngu toneto, i mani i ku txithumi txo thembeka na a di ni wutxhari, awu a nga vekwa ngu nyamne masoni ka sithumi sakwe, kasiku e si phamela sakudya ngu txikhati txi txi fanelako kani?

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Matewu 25:3

Timbiri tile ta kudivala, ti di tekile malambu a tona, kha ta teka mafura ngu phuho;

Matewu 25:4

kasi atile to txhariha, ti to teka malambu, ti teka ni mafura kambe amu ka mabhojela.

Matewu 25:9

Aniko timbiri to txhariha ti to angula ti txi kha tona: ‘Ahim-him, mafura ma nga thuka ma si hi eneleli athu ni nanu; tsulani ka vale va xavisako, mi ya ti xavela nanu.’