Matewu 24:7 - Bhiblia Yo Sawuleka

⁷ Ditiko di na wukela dimwani ditiko, mfumo wu na wukela wumwani mfumo, ku nava ni tipaya ni mitungu ni kuzinginikela ka mafu, ka makhalo amangi.

Matewu 24:7 Referans Kwoze

Luka 21:11

Ku na humelela kuzinginikela ka hombe ka mafu, se ka makhalo amangi ku nava ni tinzala ni mitungu. Ku na humelela sidiwukiso so thisa, ni sikombiso sa hombe nzumani.

Mtuletelo 6:8

Ni to wona ku txi humelela dihantxhi do kwalala. Mgadhi wa dona a ti dhanwa ku i “Kufa,” se a ti londetelwa ngu Gehena. A ningilwe mtamo wa kufuma didhawa da wumune da mafu, kasiku e daya vathu ngu ditxhari, ni nzala, ni ntungu ni sihari sa txitinga.

Isaya 19:2

Nguko ni na maha ti to Vaegipta va txi wukela Vaegipta, se mmwani ni mmwani a na lwa ni mwanawe, ni muakelani a nalwa ni muakelani wakwe, didhoropa di na wukela dimwani didhoropa, mfumo wu na wukela wumwani mfumo.

Zakariya 14:13

Ka ditshiku donedo, ku na maheka ti to ku va ni pfilu-pfilu ya hombe ya Mkoma, hagari kwawe; nguko mmwani ni mmwani a na ñola dianza da mkwawe, mmwani ni mmwani a na nawuluta diwoko e lwisa mkwawe.

Mithumo 11:28

Mmweyo wawe, awu va ku i Agabho, a to khukha a txi ema, e profeta ngu Moya ti to nzala ya hombe yi na vaho ka dotshe ditiko. Kha ditshuri yi humelete kufumani ka Klawudhiyo.

2 Makronika 15:6

Vathu va to wukelana, didhoropa dimwani di txi wukela dimwani didhoropa, nguko Txizimu txi di va vangete xomulo yayingi.

Mtuletelo 6:12

Ni txi woni Txinvutana, mbimo yi txi nga kwamula txixambanyo txa wutxhanu ni tximwetxo: Ku to humelela kuzinginika ka hombe ka mafu: Ditambo di to maha da mtima, nga nguwo ya mkhwasi, se mtxima wotshe wu hinduka wu bhilivila nga mnoha.

Vahebheru 12:27

Mapswi awa kambe ma zivisa ka wumbidi ti to si na fuviswa sotshe siwumbwa so dekadeka sa ha mafuni, kasiku si txi sala dwe asi si si dekadekiko.

Ezekhiyele 21:27

Ni na khundumusa, ni na khundumusa, ni na khundumusa m'bhoti wuwa, kha wu na mbi va i di wona kambe m'bhoti wuwa, ku nata wule wu lumbako m'thu wa kona, se ni na ninga eneyo.

Ezekhiyele 14:21

Nguko Mkoma Txizimu a khene: Ngutu-ngutu ni txi rumela valamuli vangu va mune va tshofu, ditxhari, nzala, sihari sa tshofu, ni mtungu, kona Jerusalema, kasi kuthavisa vathu ni sihari kani?

Mithumo 2:19

Ni na maha sixamaliso txitimwi, nzumani ni sikombiso hahatshi mafuni; mnoha, mndilo ni kutuvika ka wutshi.

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.

Mtuletelo 6:5

Mbimo yi Txinvutana txi nga kwamula txixambanyo txa wuraru, ni to engisa txivangwa txa wuraru txi hanyako, txi txi kha txona: “Ngono!” Konako ku to humelela dihantxhi da ntima, mgadhi wa dona a ti ni txikalo manzani.

Mtuletelo 6:6

Konako ni to engisa txo nga dipswi, di humako ngu ka mune wa sivangwa si si hanyako, di txi kha dona: “Mpimo wumwewo wa fulaho wu xawa ngu male ya didhenari dimwedo, mipimo yiraru ya mahila ni yona yi xawa ngu male ya didhenari dimwedo, se u nga onhe mafura ni vhinya.”