Matewu 24:5 - Bhiblia Yo Sawuleka

⁵ Nguko va nata vavangi ngu ditina dangu, va txi kha vona: ‘Ngani Kristu’, va txi xenga vathu votala.

Matewu 24:5 Referans Kwoze

Matewu 24:24

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Matewu 24:11

Va na humelela vaprofeti vavangi va makuhu, ava va no timeta vathu votala.

Jeremiya 14:14

Mkoma a to ni xamula, a txi khene: Vaprofeti va profeta makuhu ngu ditina dangu; kha na va ruka, kha na va laya; kha na womba txilo kwawe. Va profeta kwangu siwoniso sa makuhu ni kuhuta, ta walo to divalisa timbilu tawe.

1 Johani 2:18

Sivananananu sangu, txi hokile txikhati txo gwitisa; mi ti engisile ti to wata Mkaneti wa Kristu, na kasi vaho vavangi va ti maha vakaneti va Kristu; ngu konaho hi ti zivako ti to txi hokile txikhati txo gwitisa.

Jeremiya 23:25

Ni pfite ti va wombako vaprofeti, ava va profetako makuhu ngu ditina dangu, va txi kha vona: Ni lorile, ni lorile!

Johani 5:43

Ni tile ngu ditina da Tate wangu, aniko kha mi ni amukeli. Ngako a txi ta mmwani ngu ditina dakwe, mi na mu amukela.

Mtuletelo 13:8

Votshe vaaki va ha mafuni va na txi khozela, avava matina awe ma nga mbi bhalwa, kukhukhela makhatoni ka ditiko, amu ka dibhuku da wutomi da Txinvutana, atxi txi nga bhaywa.

Jeremiya 23:21

Kha na va ruma vaprofetivo, aniko va ta so tutumela vapune; kha na womba-womba navo, aniko va to profeta vapune.

Jeremiya 37:9

Mkoma a khene: Mi nga ti kanganyiseni, mi txi khanu: Vakaldheya va na khukha hagari kwathu, nguko kha va na mbi khukha.

Johani 8:24

Ngu toneto, ni nga mi gela ni txi khani: ‘Mi na fela sionhoni kwanu’, nguko, ngako mi si kholwi ti to ‘Ngani wuwa’, mi na fela sionhoni kwanu.”

Johani 8:28

Jesu a to va gela a txi khene: “Mbimo yi mi no guleta Mwanana wa M'thu, ngu konaho mi no tiziva ti to ‘Ngani Wuwa’, ni ti to kha ni thumi txilo ngu txangu nokha, aniko ni womba ti ni nga gondiswa ngu Tate.

1 Johani 2:22

I mani i ku wa makuhu, i si nga wule a kanetako ti to Jesu i Mesiya, kani? M'thu wo ngeto, ngeneyo Mkaneti wa Kristu, a lambako Tate ni Mwanana.

1 Johani 4:3

Se wotshe moya wu wu si fakazeliko Jesu, hi nga wa Txizimu; awuwa ngu wona moya wa mkaneti wa Kristu, mi ti engisile ti to wu nata, se konkuwa wa hoha ditikoni.