Matewu 24:49 - Bhiblia Yo Sawuleka

⁴⁹ se txi txi khata kupeketela sithumi kulowe, txi khata kudya ni kusela kumweko ni madevi.

Matewu 24:49 Referans Kwoze

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Mtuletelo 16:6

Nguko avava ngako va nga theketa mnoha wa vasawuleki ni vaprofeti, na nawe u va ningile mnoha ve sela. Va ni fanelo yeto.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

Mika 3:5

A womba tiya Mkoma ka vaprofeti, va va timetako vathu vangu, va va lumako ngu makwasa awe va txi kha vona: Kuthutha! Se awule asi va kovetisiko txilo mkanani, va mxomela yimbi.

Mtuletelo 13:7

Txi ningilwe mtamo kambe wo lwa ni vasawuleki, txi va xula; txi ningilwe wukoma wotshe txitimwi ka totshe tixaka, matiko, tidimi ni mifumo.

Judha 1:12

vathu vava ngu vona i ku sikhuvekiso mibusoni kwanu ka lirando; vadya va si na tingana, ve ti dyisa vapune, va fana ni marefu o mbi na mati, ma pengapengiswako ngu moya; mindonga ya wuxika yi si velekiko mihando, mindonga yi nga fa kumbidi yi txi dulwa ni mikoloti ya yona;

1 Pedro 5:3

mi si ti mahi ku nga vafumeli txitimwi ka vale mi nga vekelwa, aniko ti maheni vakombisi va nzila ya yinene ka mtxhambi wanu.

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

2 Vakorinto 11:20

Ma honisela kasiku m'thu a txi mi maha tikhumbi, a txi mi dyelela, a txi mi handa, a txi mi dhelela, a txi mi haphata.

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Ezekhiyele 34:3

Madya mafura, mi ti ambeka ngu matoya, ni kudaya tile to nona; aniko kha mi dyisi tinvuta.

Isaya 66:5

Engisani dipswi da Mkoma, anu mi dhudhumelako masoni ka dipswi dakwe. Vananu vale va mi nyenyako, kambe va mi tshotshako kule ngu kuranda ditina dangu, va kha vona: “Mkoma a na dhumiswe, kasi ku hi wona kutsaka kwanu!” Aniko vona va na wiswa tingana.

Isaya 56:12

Ngonani, kuwomba vona, he tiseni vhinya, kambe hi na sela wusuke wo bava; se ditshiku da mangwana di na fana ni dona diya, ni kuva da hombe, da nduma ngutu.

1 Samuwele 2:29

Ngu kutxani mi sola miphaxo ni miningelo yangu ya sakudya, yile ni nga leletela kuva yi ningelwa nyumbani kwangu, kambe u thava vanana vako kupinda ani, kasiku mi ti enisa ngu milangelwa ya yotshe miningelo ya vathu vangu va ka Israyeli, kani?

Mavingu 23:20

U nga maneke hagari ka vaseli va vhinya, hambi hagari ka vathu va txinyamanyama.

Matewu 18:28

Aniko txithumi txiya, ngako txi di mani wammweyo wa txithumi kulowe, awuwa a nga ti ni mnandu ka txona wa dizana da madhenari, txi to mkama makolo, txi txi kha txona: Ni dihe male yangu!

Matewu 24:48

Aniko, ngako i di txithumi txo biha, atxiya txi wombako ngu mbilu tito: ‘Nyamne wangu wa swela’,

Matewu 24:50

Se nyamne wa txithumi-txo a na wuya ngu ditshiku diya txona txi no va txi si di rinzeli, ni ka txikhati txo mbi ziwa.

Johani 2:10

a txi mu gela ku khene: “Votshe vathu va thanga ngu vhinya ya yinene ve yi humisa, se ngako va di sete ta tinene ava va nga rambwa, ngu kona va humisako yo va i si nga ya yinene ngutu. Kambe awe u veketile vhinya ya yinene kala ayi mbimo!”