Matewu 24:48 - Bhiblia Yo Sawuleka

⁴⁸ Aniko, ngako i di txithumi txo biha, atxiya txi wombako ngu mbilu tito: ‘Nyamne wangu wa swela’,

Matewu 24:48 Referans Kwoze

Matewu 18:32

Sekoko, nyamne wa sona a to dhana txithumi txile a txi khene: ‘Txithumiwe txa walo, ani ni ku divalete mnandu wako wotshe, ngu kuwa u nga ni kombela.

Luka 12:45

Aniko, ngako txithumi txile txi txi pimisa mbiluni ka txona, txi txi kha txona: ‘Nyamne wangu wa swela kubwaka’, txi khata kupeketela sithumi sa mazambi ni sa mahorana, txi dya, txi sela, se txi leva,

Isaya 32:6

Nguko txiphukuphuku txi womba-womba wuphukuphuku, ni mbilu ya txona yi maha to biha, ni kuthumisa wukanganyisi, kasi kuwombawomba ta walo, to wukela Mkoma, se txi tona muhefemulo wa wule a ku ni nzala, ni kutona mati awu a ku ni ditora.

Mithumo 5:3

Aniko Pedro a txi khene kwakwe: “Ananiya, u mlekisile kutxani Sathani e fuma mbilu yako kani? U hembete Moya wo Sawuleka, u txi ti hungulela male ya thembwe ngu phuho.

Johani 13:2

Se hagari ka kulalela, ngako Sathani a nga ti wulete mapimoni ka Judha Iskariyoti, mwanana wa Simoni, kufela ku ene e ningela Jesu;

Marku 7:21

Kha ditshuri, mndani timbiluni ka vathu, kuhuma mialakanyo yo biha: Wugelegele, wukhamba, kudaya,

Dhewuteronome 9:4

Ngako koko Mkoma, Txizimu txako, a di va tutumisile masoni kwako, u nga wombe mbiluni kwako u txi khawe: “Mkoma a ni fumisile ka ditiko diya, ngu mhaka ya kululama kwangu,” nguko Mkoma a tutumisa matiko awa ngu mhaka ya kubiha ka ona.

Mithumo 8:22

Ngu konaho, hunduluka kubihani kwako, u txi khongela ka Mkoma, mwendo u nga divalelwa kualakanya kuwa ka mbilu yako;

Luka 19:22

Aniko ene a ti khene kwakwe: ‘Txithumi txo biha, ni ku abanisa ngu kuwomba kwako. U ti zivile ti to ni m'thu wa tshofu, ni teka txi ni nga mbi txi veka, ni elula txi ni nga mbi txi phaya.

Matewu 25:26

Nyamne wakwe, a txi mu angula, a to khene: ‘Txithumi txa tshofu, txa mkara!’ U ti zivile ta ku ani na elula amuwa ni nga mbi phaya, ni sengeleta amuwa ni nga mbi xwaya.

Ezekhiyele 12:27

Awe mwanana wa m'thu, wona taku va nyumba ya ka Israyeli, va kha vona: Txiwoniso txi a txi wonako wuwa, nja masiku amangi, kambe a profeta ngu timbimo ti tiku kule.

Ezekhiyele 12:22

Awe mwanana wa m'thu, divingu muni mi ku nado ditikoni ka Israyeli, daku khanu: Masiku ma na lapha, si na mwalala sotshe siwoniso kani?

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

2 Vafumeli 5:26

Aniko Elixa a to khene: Khu ti zivi taku mbilu yangu yi ti ti ni nawe, mbimo yile awule wa wamwamna a nga txhika ngu mu ka txikotxikani e kuhingeta kani? Ina i ti ti yona mbimo ya ku va u di tekile silivhela ni kuteka syambalo, ni miolivha, ni mivhinya, ni tinvuta, ni tihomu, ni sithumi sa txiwamna ni sa txisikati kani?

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Matewu 24:47

Kha ditshuri na mi gela ti to a nata txi ninga kuxayisa sotshe si a ku naso.

Matewu 24:49

se txi txi khata kupeketela sithumi kulowe, txi khata kudya ni kusela kumweko ni madevi.