Matewu 24:47 - Bhiblia Yo Sawuleka

⁴⁷ Kha ditshuri na mi gela ti to a nata txi ninga kuxayisa sotshe si a ku naso.

Matewu 24:47 Referans Kwoze

Matewu 25:23

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Matewu 25:21

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Luka 12:37

Si katekile sithumi sile, nyamne wa sona, mbimo yi a bwakako a nota si mana si txi wonelela. Kha ditshuri na mi gela, ene a nata sunga dithawula txiwununi, a txi va khalahatshisa ha mezani, a txi tsimbila ngu ka mmweyo ni mmweyo, a txi va phamela sakudya.

Luka 12:44

Ngu ditshuri na mi gela ku khani, ene a nata txi maha muwoneleti wa silo sakwe.

Mtuletelo 21:7

Awu a no xula a na amukela thomba yiya, se ani ni na va Txizimu txakwe, ene a na va mwanana wangu.

Mtuletelo 3:21

Ka wu a xulako ni na mninga kateko yo khalahatsha kumweko ni nani ha txikhaloni kwangu ka wukoma, kufana ni nani ni nga xula, se ni nga khalahatsha kumweko ni Tate wangu ha txikhaloni kwakwe ka wukoma.

2 Timoti 2:12

ngako hi txi xaniseka kumweko nayo, hi na fuma kumweko nayo. Ngako hi txi mlamba, nene a na hi lamba;

Luka 19:17

Se ene a txi khene kwakwe: ‘Ngu tona, txithumi txa txinene, akuwa u nga thembeka ngu txilo txa txidotho, u na fuma digumi da madhoropa.’

1 Pedro 5:4

Se mbimo yi a nota humelela M'dyisi wa Hombe, mi nata amukela m'bhoti wo phatima wa kupfaliswa, awu wu si onhekiko.

Johani 12:26

Ngako m'thu a txi lava ku ni thumela, a na ni londise, se ahawa ani ni ku kona, nene wule a ni thumelako a na va a di konaho. Se ngako m'thu a txi ni thumela, Tate wangu a na mu dhumisa.”

Dhaniyeli 12:3

Titxhari koko ti na phatima kufana ni kuphatima ka mzuma; ni vale va kombako vathu nzila ya kululama va na woninga ku nga tinyeleti, mbimo yotshe ni ha ku si gwitiko.

Mavingu 14:35

Mfumeli a tsakiswa ngu txithumi txo txhariha, aniko kuhenya ka mfumeli ku na wa txitimwi ka wule a tsimbilako ngu kuwekela.

Matewu 24:46

Txi katekile txithumi txile nyamne wa txona, mbimo yi a no wuya a nota txi mana txi txi thumisa toneto!

Matewu 24:48

Aniko, ngako i di txithumi txo biha, atxiya txi wombako ngu mbilu tito: ‘Nyamne wangu wa swela’,