Matewu 24:45 - Bhiblia Yo Sawuleka

⁴⁵ “Ngu toneto, i mani i ku txithumi txo thembeka na a di ni wutxhari, awu a nga vekwa ngu nyamne masoni ka sithumi sakwe, kasiku e si phamela sakudya ngu txikhati txi txi fanelako kani?

Matewu 24:45 Referans Kwoze

Matewu 25:21

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Matewu 25:23

Nyamne wakwe a ti khene kwakwe: ‘Ngu tona, txithumi txa txinene, txa kuthembeka, u thembekile ka simaha sa sidotho, ni na kuveka txitimwi ka sasingi. Wulela litsakoni ka nyamne wako.’

Vahebheru 3:5

Se Mosi, a ti thembekile mndani ka yotshe Nyumba ya Txizimu, kota txithumi, kasi ku e maha fakazi ya totshe ti ti nga ti fanete kuwombwa.

2 Timoti 2:2

Ati u nga tiengisa kwangu masoni ka tifakazi ta tingi, ti veke manzani ka vavamna vo thembeka, ava va sikotako kugondisa vamwani.

1 Timoti 1:12

Na bonga ka wule a nga ni ninga mtamo, Kristu Jesu, Mkoma wathu, a nga ni wona ni di wo thembeka, a txi ni sawula kasiku ni mthumela,

Mtuletelo 2:13

Na kuziva mu u zumbako kona: Ngu konamo ku ku ni txikhalo txa wukoma txa Sathani. Aniko awe, u ñote ta tinene ditina dangu, nguko khwa lamba likholo langu, hambi ka masiku ya Antipasi, fakazi yangu yo thembeka, a nga dawa hagari kwanu, ahawa Sathani a nga aka kona.

Mithumo 20:28

Ti woneleni, mi txi wonelela ni wotshe mtxhambi wu, mi nga mahwa vadyisi va wona ngu Moya wo Sawuleka, kasiku mi txi dyisa Dibanza da Txizimu, adiya txona txi nga ti winela ngu mnoha wa Mwanana wa txona apune.

Luka 19:17

Se ene a txi khene kwakwe: ‘Ngu tona, txithumi txa txinene, akuwa u nga thembeka ngu txilo txa txidotho, u na fuma digumi da madhoropa.’

Matewu 13:52

Se a to va gela kambe a txi khene: “Ngu toneto, m'bhali wuhi ni wuhi a nga gondiswa timhaka ta Mfumo wa nzumani, a fana ni wu i ku nyamne wa m'ti, awuwa, ka txuma txakwe, a humisako sasiphya ni sa kale.”

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Matewu 25:2

Aniko mtxhanu wa tona ti ti divate, se timwani ta mtxhanu i ti to txhariha.

Matewu 7:24

“Ngu toneto, awu a engisako mapswi angu e ma veketa, a fana ni m'thu wo txhariha, a nga aka nyumba yakwe txitimwi ka dirigwi.

Ezekhiyele 34:2

Awe mwanana wa m'thu, profeta u wukela vadyisi va Israyeli; profeta u gela vadyisi va ka Israyeli ku khawe: Mkoma Txizimu a khene: Dikhombo ka vadyisi va ka Israyeli va ti dyisako vona vapune! Ina vadyisi kha va na mbi dyisa tinvuta kani?

Mavingu 14:35

Mfumeli a tsakiswa ngu txithumi txo txhariha, aniko kuhenya ka mfumeli ku na wa txitimwi ka wule a tsimbilako ngu kuwekela.

Mavingu 28:20

M'thu wo thembeka a na kateka ngutu, kambe wule a navelako kukuluveta e humelela, kha na mbi huluka kutsayiswa.

Matewu 24:46

Txi katekile txithumi txile nyamne wa txona, mbimo yi a no wuya a nota txi mana txi txi thumisa toneto!

Eksodha 36:4

Se votshe vavamna vale va nga txi maha mithumo ka wukhalo wo sawuleka, va to leka kuthuma,

Rute 2:6

Se dijaha dile di nga ti vekilwe kuthangela vaeluli, di to xamula di txi kha dona: Adiya ndihorana da ka Mowabhi, di nga wuya ni Nowemi ngu ditikoni ka Mowabhi.

Ezekhiyele 46:24

Se a to khene kwangu: Atiya ndinyumba ta vabhiki, amu ava vo thuma nyumbani va no bhikela kona mphaxo wa vathu.