Matewu 24:33 - Bhiblia Yo Sawuleka

³³ Ngu toneto, ngako nanu mi txi wona totshelele tiya, ti txi humelela, ti ziveni ti to ene a hafuhi, a ha txikeni.

Matewu 24:33 Referans Kwoze

Jakobe 5:9

Mi nga mangalaneni, vanathu, kasiku mi si ta lamulwa. Wonani ti to Mlamuli a ha txikeni.

Vahebheru 10:37

Nguko, Mibhalo yi womba tiya: “Ku ngadi sate mbimo ya yidotho, ya yidotho ngutu. Se awule a tako, a na bwaka, kha na mbi swela.

Mtuletelo 3:20

Wona, ni ho ha txikeni, na gogota ditimba: Ngako m'thu a txi engisa dipswi dangu e tula ditimba, ni na wulela nyumbani kwakwe ni lalela nayo, nene e lalela ni nani.

1 Pedro 4:7

Se magwito a sotshe somaha ma hafuhi. Ngu toneto, zumbani mi di ni mapimo amanene, mi txi ti wonela mi khongela.

Matewu 24:32

“Gondani ngu txidinganiso txa mkuwu: Ngako madhavi a wona ma txi nyuka ni kuthunga linyenvu, ma tiziva ti to malanga ma hafuhi.