Matewu 24:30 - Bhiblia Yo Sawuleka

³⁰ Sekoko ku na woneka txikombiso txa Mwanana wa M'thu nzumani; se totshe tihunzu ta ha mafuni ti na dila, ngako ti txi wona Mwanana wa M'thu a txi ta a di txitimwi ka marefu a nzumani ni mtamo ni wudhundo wa hombe.

Matewu 24:30 Referans Kwoze

Mtuletelo 1:7

Ndiyo wata a di txitimwi ka marefu. Maso a votshe vathu ma na mu wona, hambi vona va va nga m'daya ngu ditxhari: Totshe tihunzu ta ha mafuni ti na dila ngu ku mu wona. Ina! Amen!

Dhaniyeli 7:13

Ka txiwoniso txangu txa wusiku, ni to wona txo fana ni mwanana wa m'thu, a txi ta ngu ka marefu a nzumani; se a to tshuketela ka didhota dile da kale, eza e hoka hafuhi ka dona.

Mithumo 1:11

ayawa ma nga va gela, ma txi kha ona: “Majaha a Galileya, nji txani mi zumbako mi txi wonetela nzumani kani? Ene Jesu wu a nga gulwa hagari kwanu e kwela nzumani, a na wuyisa tona tiya mi nga mu wonisa tona a txi tsula nzumani.”

Matewu 26:64

Jesu a to xamula a txi khene: “U wombile tona. Se nanani na mi gela tito, kukhukhela konkuwa, mi na wona Mwanana wa M'thu, a di khalahatshile txineneni ka Txizimu, Nyamne wa Mtamo wotshe, a txi ta ngu txitimwi ka marefu a nzumani.”

Luka 21:27

Konako se va na wona Mwanana wa M'thu a txi txhika a di marefuni, ni mtamo ni wudhumo wa hombe.

Matewu 24:3

Jesu, a di khalahatshile txitimwi ka mmango wa Miolivha, va to ta kwakwe, i di vona vokha, va txi ta kha vona: “Hi gele mbimo yi ti no maheka ngu yona totshe tiya ni txikombiso txa kuta kwako ni txa kuguma ka ditiko.”

Zakariya 12:10

Se ni na thela Moya wa wumbilu ni wa mikombelo txitimwi ka nyumba ya ka Dhavhidha, ni txitimwi ka vaaki va Jerusalema; va na wonetela kwangu, ani va nga ni thola; kambe va na m'dilela ku nga vo dilela mwanana wammweyo dwe; kambe va na dila ngu txiviti ngu mhaka yakwe, kufana ni tile ku diliswako tona mwanana wa matiwula.

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

Marku 13:26

Konaho mi na wona Mwanana wa M'thu na a txi ta a di marefuni, a di ni mtamo wa hombe ni wudhumo.

Luka 22:69

Aniko kukhukhela ka yona yiya mbimo, Mwanana wa M'thu a na ya khalahatsha txineneni ka Txizimu txa mtamo wotshe!”

Marku 13:4

“Hi gele timhaka tiya, ti na maheka mbimo muni kani, txi na va txikombiso muni txi no komba ti taku txi hokile txikhati txa kutatiseka ka totshe tiya kani?”

Zakariya 12:11

Ka ditshiku dile, Jerusalema ku nava ni huwa ya hombe, nga huwa ya Hadhad-Rimoni, mkovani ka Megidhu.

Matewu 24:37

Nga ti ti nga maheka ka masiku a Nowa, ku na vanga toneto kuwuyani ka Mwanana wa M'thu.

Matewu 24:39

kha va pimisa txilo, kala ku txi hoka ndambi, yi nga khukhula votshe. Ina, ti na mahisa toneto ngu kuwuya ka Mwanana wa M'thu.”

Mtuletelo 12:1

Se ku to woneka nzumani txidiwukiso txa hombe: Wamsikati wa kuambala ditambo, ku di ni mtxima hahatshi ka mikondo yakwe; na a di ni m'bhoti wa digumi da tinyeleti ni timbidi ha msungo kwakwe.