Matewu 24:29 - Bhiblia Yo Sawuleka

²⁹ “Kunukunuko, ngako si di gumile sixaniso sa masiku ale, ditambo di na pfhupeliswa, mtxima kha wu na mbi ninga liwoningo la wona, tinyeleti ti na wa ngu nzumani, ani mitamo ya nzumani yi na zinginiswa.

Matewu 24:29 Referans Kwoze

Amosi 8:9

Ku na maheka taku, ka ditshiku dileya, kuwomba Mkoma; na maha ta ku ditambo diva hagari se mafu ma maha mtema ngu mbimo ya mitshikari.

Joyeli 3:15

Ditambo ni mtxima si na maha sa mtima ni tinyeleti ti na thavisa kuwonekela ka tona.

Isaya 13:10

Nguko tinyeleti ta nzumani ni mitxawa ya tona, kha ti na mbi leka kuwoninga, ditambo di na pfhupela kuhumani ka dona, ni mtxima kha wu na mbi woninga.

Isaya 24:23

Se mtxima wu na va ni tingana, ni ditambo di na kanganyiseka, mbimo yi Mkoma wa Mabutho a Tiyimbi, a no fuma mmangoni ka Siyoni ni Jerusalema; sekoko, masoni ka vathangeli vakwe, ku nava ni wudhumo.

2 Pedro 3:10

Kambe ditshiku da Mkoma di na tisa ku nga dikhamba; ka donedo ditshiku, tinzuma ti na pinda ti txi dhinda ngutu, tinyeleti ti na nyivilika ngu kupfa kuhisa ka hombe; ditiko ni mithumo ya dona si na hya si txi guma.

Isaya 34:4

Se otshe mabutho a nzumani ma na guma, kambe nzuma yi na petwa nga dibhuku, ni dotshe dibutho da sa nzumani di na wa, kufana ni kuwa ka mazokoro a m'vhinya, ni ku nga kuwa ka dikuwu da mkuwu.

Mtuletelo 8:12

Se ngelozi ya wunene yi to veta mpundu wa yona. Ku to hokelwa didhawa da wuraru da ditambo, didhawa da wuraru da mtxima, ni didhawa da wuraru da tinyeleti, ahawa koza didhawa da wuraru da sona di phumiswa; se mitshikari wu to luza didhawa da wuraru da kuwonekela ka wona, kufana ni wusiku ni wona.

Joyeli 2:10

Masoni kwakwe, mafu ma na dhudhumela, nzuma yi na dekadeka; ditambo ni mtxima si na maha sa mtima, ni tinyeleti ti na thavisa kuphatima ka tona.

Amosi 5:20

Kha di na mbi va txidema ditshiku da Mkoma, i si nga kuwonekela kani? Ku na mbi va ku di tshangani txidema ni kuwonekela kani?

Matewu 24:21

nguko, keyo mbimo, kuxaniseka ku nava i di ka hombe ngutu, kova ku si zivi kuwonwa, kukhukhela kukhatani ka ditiko kala nyamsi, akuwa kambe ku no mbi nga va ni kumaheka kambe.

Matewu 24:8

Totshelele tiya ti nava i di kukhata ka sixaniso.”

Ekleziyaste 12:2

kusanzi kuphuma ditambo, ni kuwonekela, ni mtxima, ni tinyeleti, ni kutshumela meta marefu msana ka kuwa ka mati;