Matewu 24:27 - Bhiblia Yo Sawuleka

²⁷ Nguko kufana ni kukeluka ka nzuma ku wonekako kukhukhela wutxani kala mswa-ditambo ku na mahisa toneto kuta ka Mwanana wa M'thu.

Matewu 24:27 Referans Kwoze

2 Pedro 3:4

Vona va na kha vona: “Ti gwitisile kutxani ta wule ku nga thembiswa ti to wata kani? Nguko, kukhukhela vatate vathu ve fa, ti ngadi zumbisile tona ti i nga ti tona kukhatani ka mtumbuluko wa ditiko.”

Jakobe 5:8

Nga toneto, na nanu timiselani; tsanani timbilu tanu, nguko ku hafuhi kuwuya ka Mkoma.

Malakiya 3:2

Kambe i mani a no tsanisela ka ditshiku da kuta kwakwe kani? Ni ku i mani a no simama a diho, ngako ene a txi ta kani? Nguko ene a na nga mndilo wa mnyivilikisi, ni ku nga sephu ya vakuwuli.

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.

Matewu 24:39

kha va pimisa txilo, kala ku txi hoka ndambi, yi nga khukhula votshe. Ina, ti na mahisa toneto ngu kuwuya ka Mwanana wa M'thu.”

Matewu 24:37

Nga ti ti nga maheka ka masiku a Nowa, ku na vanga toneto kuwuyani ka Mwanana wa M'thu.

Matewu 16:28

Kha ditshuri ni khani kwanu: Hagari ka va va kuho hawa, vaho vamwani va no mbi fa, va sa thanga ngu kuwona kuta ka Mwanana wa M'thu Mfumoni kwakwe.”

Malakiya 4:5

Wonani taku ani ni na mi rumela Mprofeti Elija, na ku si se hoka ditshiku da hombe do thisa da Mkoma.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Jobe 37:3

Txizimu txa rumela txingwalangwanda ni liwoningo, ngu hahatshi ka nzuma, kala magwito ka mafu.

Matewu 24:3

Jesu, a di khalahatshile txitimwi ka mmango wa Miolivha, va to ta kwakwe, i di vona vokha, va txi ta kha vona: “Hi gele mbimo yi ti no maheka ngu yona totshe tiya ni txikombiso txa kuta kwako ni txa kuguma ka ditiko.”

Matewu 8:20

Jesu a ti khene kwakwe: “Vanyapwe va ni mikele, ni sinyana sa nzuma si ni sisaka, kambe Mwanana wa M'thu kha na wukhalo wuwa a khigetako ka wona msungo wakwe.”

Jobe 38:35

Mwendo u na dhana tinyangafula ku ta kha tona: Hiho hawa kani?

Ezekhiyele 1:14

Se sihari si ti tutuma, si tshumela si wuya, kufana ni tinyangafula.

Matewu 16:27

Nguko Mwanana wa M'thu a nata ni wudhumo wa Tate wakwe, kumweko ni tingelozi takwe, se a nata hakela mmwani ni mmwani kota nga ti a nga hanyisa tona.

Matewu 24:26

Ngu toneto, va txi mi gela ku: ‘Ene a txiwulani’, mi nga yeni; mwendo va txi kha vona: ‘Ene waho nyumbani’, mi nga tumeleni.

Matewu 24:44

Ngu toneto, zumbani nanu mi di rinzete; ka txikhati txi mi si pimisiko txilo, ngu yoneyo mbimo a nota ngu yona Mwanana wa M'thu.”