Matewu 24:24 - Bhiblia Yo Sawuleka

²⁴ Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Matewu 24:24 Referans Kwoze

Marku 13:22

Nguko ku na humelela Vamesiya va makuhu ni vaprofeti va makuhu; va na maha sidiwukiso ni sixamaliso kasi kupengisa ni va va nga sawulwa, ti txi koteka.

Matewu 24:11

Va na humelela vaprofeti vavangi va makuhu, ava va no timeta vathu votala.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

Matewu 24:5

Nguko va nata vavangi ngu ditina dangu, va txi kha vona: ‘Ngani Kristu’, va txi xenga vathu votala.

2 Pedro 3:17

Ngu toneto, anu vo randeka, ngako mi nga songolela ku tiziva, ti woneleni, kasiku mi si thuki nanu mi txi humiswa ka likholo lanu lo tsana, ngu kuxengwa ngu vathu vo biha va va si khataliko ngu txilo.

Dhewuteronome 13:1

Ngako ku txi humelela hagari kwanu, mprofeti, mwendo mlori a txi mi komba txikombiso mwendo txidiwukiso,

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

1 Johani 5:18

Ha tiziva ti to votshe va va nga velekwa ngu Txizimu, kha va hanyeli kuonha, nguko Mwanana wa Txizimu wa va veketa, se m'bihi kha na ku va gwesa.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Johani 6:39

Kambe kuranda ka wu a nga ni ruma, ngu ti to ni si tshotshi ni wammweyo wa votshe va a nga ni ninga, aniko ni na va wusa ngu ditshiku da magwito.

Johani 6:37

Votshe va ni nga ningwa ngu Tate, va nata kwangu, se awu a tako kwangu, kha ni na mbi mu tshotsha hahanze.

1 Pedro 1:5

anu mi vhikelwako ngu mtamo wa Txizimu, ni likholo la kuhanyiswa kuwa hi ku hafuhi ni ku kuwona ka masiku o gwitisa.

Vagalatiya 4:15

Se konkuwa ku hanini kutsaka kwanu kani? Nguko ni nga mi mahela wufakazi wa tito, idiku i ti kale kwanu, hambi maso anu nga mi di ma xokote mi txi ni ninga.

Varoma 12:18

Zamani kumaha ti mi ti kotako ngu didhawa danu, kasi ku mi hanya ngu kuthutha ni votshe vathu.

Mithumo 20:16

Nguko Paulo a ti pimisile kuvayilela Efesu, kasiku asi ya temeliswa Asiya. A ti ni txikuluveta txa kuya maneka Jerusalema, ngako ti txi koteka, ngu ditshiku da Pentekoste.

Isaya 9:15

(Didhota ni wamwamna wo thaviseka, ngu vona misungo, se mprofeti wule a gondisako makuhu, mkila.)

Matewu 22:14

Kha ditshuri mbavangi va nga dhanwa, aniko mba dotho va nga sawulwa.”

Matewu 24:22

Se idiku ma sa komiswa masiku ale, kuwalo ni txivangwa tximwetxo txi ndino sikota kuhuluka. Aniko, ngu mhaka ya vasawuleki, masiku ale ma na komiswa.”

Matewu 24:25

Wonani, ni songolete ku mi gela.

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Johani 4:48

Sekoko Jesu a to womba a txi khene kwakwe: “Anu, ngako mi si woni sixamaliso ni sidiwukiso, kha mi kholwi.”

1 Johani 2:18

Sivananananu sangu, txi hokile txikhati txo gwitisa; mi ti engisile ti to wata Mkaneti wa Kristu, na kasi vaho vavangi va ti maha vakaneti va Kristu; ngu konaho hi ti zivako ti to txi hokile txikhati txo gwitisa.

1 Johani 2:22

I mani i ku wa makuhu, i si nga wule a kanetako ti to Jesu i Mesiya, kani? M'thu wo ngeto, ngeneyo Mkaneti wa Kristu, a lambako Tate ni Mwanana.