Matewu 24:19 - Bhiblia Yo Sawuleka

¹⁹ Dikhombo da vavasikati va sirumbu ni da vale va nota maneka va txi mamisa ka masiku oneyo!

Matewu 24:19 Referans Kwoze

Luka 21:23

Va nava ni dikhombo va sirumbu ni va kumamisa ka oneyo masiku! Nguko ku nava ni kuxaniseka ka hombe ha mafuni, ni kuhenyelwa ku na wela ditiko diya.

Sidilo 4:10

Manza a vamame vale va nga ti zivaneka ngu wunene, ngu ona ma nga bhika vanana vawe mapune, ve tshumela ve dya, nguko m'ti wa ka kwathu wu xasetwe ngu nzala.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

2 Samuwele 4:4

Se Jonatani mwana Sawule, a ti ni mwanana wo limala minenge. A ti wa tanga ya mtxhanu wa malembe, mbimo yile ku nga pfala mhaka ya Sawule ni Jonatani, yi txita ngu Jezireyeli; kambe mxayisi wakwe a to mteka e tutuma nayo; kumaheka ti to mbimo yile va tutumako, ene a to wa e limala; ditina dakwe i ti ti Mefibhosete.

2 Vafumeli 15:16

Sekoko Menayemi a to khundumusa didhoropa da Tifisa, ni votshe vale va nga ti tiho ka dona, a mahisileto nguko didhoropa di sa tumela kukhoza masoni kwakwe; a to va lwisa, se e bhandelela ngu hagari votshe vavasikati vale va nga ti ni sirumbu.

Matewu 21:16

va txi mu gela ku kha vona: “Ina wa tipfa ti va wombako kani?” Jesu a to xamula a txi khene: “Ina! Kasi kha mi nzi kugonda ti taku: ‘Ka mapswi a txisofu txa vanana vavadotho ni txa tikekere u ti lulamisete wudhumo, kani?’ ”

Matewu 24:18

ani wu a manekako thembweni, a nga tshumele a txi ya m'tini, a txi ya teka nguwo yakwe.

Matewu 24:20

Khongelani kasi kuthava kwanu ku si maheki ngu mbimo ya wuxika mwendo ngu ditshiku da Sabbata,