Matewu 24:17 - Bhiblia Yo Sawuleka

¹⁷ awule a manekako txitimwi ka nyumba, a nga txhike a ta ti tekela simaha sa nyumbani kwakwe;

Matewu 24:17 Referans Kwoze

Matewu 10:27

Ati ni mi gelako txidemani, ti wombeni kuwonekelani ka mitshikari; ani ti mi lengelwako tinzeveni kwanu, ti nuweleni txitimwi ka siroro sa tinyumba.”

Mithumo 10:9

Mangwanani ka kona, ngako va di ngadi hanzila, na va di hafuhi ni didhoropa, Pedro a to kwela txitimwi ka nyumba eya khongela kona; kutilava kuva txikhati txa dhina.

Luka 12:3

Ngu toneto, totshe ti mi nga ti womba txidemani, ti na pfala kuwonekelani; ati mi nga lengelana tinzeveni, tinyumbani ti na wombwa siroroni ka tinyumba.”

Luka 5:19

Ku ti ngako va si mani ko mu wuletisa, ngu mhaka ya dibutho, va to kwela txitimwi ka nyumba, ve hasula liangwa, ve mu txhikisa hagari, masoni ka Jesu, na a di didhandoni kwakwe.

Matewu 6:25

“Ngu toneto, na mi gela ku khani: Mi nga karatekeni ngu sa kuhanya kwanu, asi mi fanelako kudya mwendo asi mi fanelako kusela, hambi ngu si mi fanelako kuambala ha mmidi kwanu. Kasi kuhanya kha ku pindi sakudya kani? Ni wona mmidi ina kha wu nga ni lisima ngutu kupinda sa kuambala kani?

1 Samuwele 9:25

Sekoko va to txhika ngu mmangoni veya didhoropani; eya womba-womba ni Sawule txitimwi ka nyumba.

Dhewuteronome 22:8

Ngako u txi aka nyumba ya yiphya, u na bhiyela liangwa la kona; kasi ku nyumba yako yi si ku manisi mnandu wa mnoha, ngako ku txi wa m'thu ngu txitimwi ka yona, a txi fa.

Jobe 2:4

Sekoko Sathani a to xamula ka Mkoma, a txi khene: Didhowo ngu didhowo, se sotshe sile wamwamna a ku naso, a na diha ngu wutomi wakwe.

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Matewu 24:16

Konako, ava va manekako Judheya va na thavele mimangoni;

Matewu 24:18

ani wu a manekako thembweni, a nga tshumele a txi ya m'tini, a txi ya teka nguwo yakwe.